431/2026-2027

Dated Aizawl, the 8th May, 2026: Vawiin khan Mizoram sawrkar hnuaiah Cooperation Department leh India sawrkar hnuaia Ministry of Cooperation ṭangkawpin India hmarchhak rama Cooperation Secretary-te leh Cooperative Societies-a Registars ten inhmuhkhawmna hun Mizoram Legislative Hall, Assembly house-ah hman niin; Ministry of Cooperation, Secretary Pu Dr Ashish Kumar Butani chuan he hun hi a kaihruai a ni.

Cooperation Department, Commissioner & Secretary, Pu Udit Prakash Rai chuan kalkhawm te chu lo lawmin, thusawina hun a hmang a, hmarchhak states a Cooperative Societies ten hma an sawn zel theih nana inhmuhkhawmna hun buatsaih a nih hi ṭha a tiin, hmalakna tur hrang hrangte- regional economics transformation, digital empowerment leh 'thawhhona aṭanga hmasawnna' (Sahkar Se Samriddhi) te an hman aṭanga thingtlang leh ramchhunga hmasawnna a awm theih nan ṭan la ho turin sawrkar department hrang hrangte leh kalkhawmte a sawm a ni.

NABARD Chairman Pu Shaji KV chuan thusawina hun neiin kalkawm te hnenah hmasawnna huapzo leh ngialnghet Hmarchhak ram ten an neih theih nan Cooperative Societies leh NABARD te an pawimawh thu a sawi a. A bik takin 6th schedule areas leh district hlaa harsatnate sukiang turin Cooperative Societies ten hna chak taka an thawh a ṭul thu sawiin, Assam leh Tripura ten hlawhtlina an neih aṭanga State dang te pawh kan inzir a ṭul thu a sawi bawk a ni. Pu Shaji KV chuan Cooperative Societies leh NABARD te hmalakna sawiin, India hmarchhak huamchhungah kum 2047 chhungin Multipurpose Primary Agriculture Cooperative Societies (MPACS) nuai 2 neih hman tum a nih thu a sawi a. Mizoram State Cooperative Bank pawh Scheduled Bank a hlankai a nih thu leh MPACS computerization program kalpui a nih thu a tarlang a. NABARD aṭanga technical leh handholding ṭanpuina an dawn theih tur thu leh he thil hian rualkhai taka hmasawnna hmarchhak ramah a thlen tur thu a sawi a ni.

Pi Pankaja Borah, General Manager, NABARD, Mizoram Regional Officer pawhin kal khawmte hnenah lawmthu sawina neiin Mizoramah Cooperative Societies hmarchhak ram te inhmuhkhawmna hun an thleng thei hi lawmawm a tih thu a sawia, NABARD nena thawhhona an nei thei hi lawmawm a tih thu sawi bawk in, hmasawnna huapzo leh thawhhona ṭha an neih theih a beisei. Mizoram chu state dangte khaikhin chuan Cooperative lamah te zawk angin lang mahse institutional leh financial support MPACS ten an neih aṭangin state dang te hmasawn rualin ke an pen ve zel theih a beisei thu a sawi bawk a ni.

Vawiin a inhmuhkhawmna ah hian Workshop nei telin, hengte hi zirho a ni:

Strengthening Value Chains and Market Linkage te, Cooperative Banking te, World's Largest Grains Storage Plan ( WLGSP) te, Strategy for Development of Cooperatives in the North-Eastern region by NEDFi leh a dangte hmangin kalkhawm ten training leh zirhona neih a ni.