430/2026-2027

Kolasib, 8th May, 2026: Vawiin khan St. Maria Goretti School, Kolasib chuan an School Auditorium-ah Investiture Ceremony an hmang a. He hun hi Pu M.S. Dawngkima, MPS, Commandant, 1st IR Bn, Mualvum chuan Khuallian niin a hmanpui a, Sr. Mary Naulak BS, Headmistress in he hun hi a kaihruai a ni.

Khuallian Pu M.S. Dawngkima chuan thu sawiin, St. Maria Goretti School chu zirna kawngah Kolasib khua leh district mipuite tana sikul tangkai tak a nih thu leh, zirlai hlawhtling tak tak a lo chher chhuak tawh thin a ni, a ti a. Kawng hrang hrangah mipuite pawhin an tangkaipui thin hle a ni tih a sawi bawk.

Mizoram pum huapa zirlaite inelnaah leh Sawrkar hna ruak dila Competitive Exam hmachhawn kawngah Kolasib District chu tan lak a ngaih nasat thu a tarlang a. Zirlaite chu tumruhna nen an zirna uar sauh sauh turin a fuih nghal a ni.