429/2026-2027

Lawngtlai, the 8th May, 2026 : Vawiin chhun dar 12:00 Pm khan Deputy Commissioner, Lawngtlai Office Chamber- ah Bawrhsap Pu Donny Lalriatsanga kaihhruaiin Lawngtlai District chhunga SASCI hnuai a hna thawhte thlirhona neih a ni.

Bawrhsap Pu Donny Lalruatsanga chuan kalkhawmte hnenah lawmthu a sawi a. SASCI hnuai a hnathawhte kumkhat chhung atana tih a ni a, amaherawh chu harsatna neuh neuh a awm thin avanga duh anga hna a thawh a chak theih a ni lo thin chu veiawm a tih thu a sawi a. Hnathawh chak loh leh hun tiam chhunga zawh a nih loh hian a leh pek a sum hmuh tur a dal thei tih tarlangin, a chak thei ang bera thawk turin hnathawktute a chah nghal a ni.

Review meeting- ah hian Lawngtlai District chhunga hna thawh hrang hrangte thlir ho na neih niin, an hnathawh dan leh an thawh chin ngaihthlak a ni a. Tun dinhmunah hun tiam chhunga zo thei tumah awm loin, June thla ral hma a 'extension' dil ngai vek an ni a. Thutkhawm chuan hnathawktuten chak zawka hna an thawhna tura hmalak ni se tiin, hnathawh dan thlir hona neih leh nise tih a ni.

Vawiin SASCI Review Meeting - ah hian Addl.DC, SDO (Sadar), Superintendent, DC Office, Lawngtlai, Contractor leh Manager, Construction & Consultancy te an tel  a ni. Thutkhawm hi Bawrhsap chuan lawmthu sawiin a khar a ni.