Vawiin ah khan Assam, Nagaland, Mizoram leh Arunachal Pradesh States a Judicial Officers te chuan Aijal Club, Aizawl ah “ Judicial Professionalism” tih zir nan Coneference an hmang a . Justice Jasti Chelameswar, Supreme Court Judge pawh in he hun hi rawn hmanpui in Session III a kaihruai a. Conference kharna hunah Judicial Officer kalkhawm te chu fuih in rorelna dik tak, a dawng tur dik tak ten an dawn theihna tura inpumpek zual zel turin a chah a ni.
“ Judicial Professionalism” hnuaia thupui hrang pathum – “Effective Judges for Stronger Judiciary”, “Public Faith: Strength of Judges” leh “ Control Over Court Proceeding” te hi session hran theuhva zir a ni a. Heng session ah hian Prof. G. Mohan Gopal, Director, Rajiv Gandhi Institute of Contemporary Studies, New Delhi, Justice Roshan S. Dalvi, Bombay High Court Judge lo ni tawh thin leh Justice S. Ravindra Bhat, Delhi High Court Judge ten Judicial officer te hi zirtirna an pe a ni.
Judicial Officers’ Conference ah hian Assam atang in 16, Nagaland atangin 4, Arunachal Pradesh atangin 3, Mizoram atangin 25 leh Assam Judical Academy atangin 2 an tel a. He hunah hian Justice T. Vaiphei, Chief Justice (Acting), Gauhati High Court, Justice Hrishikesh Roy, Judge, Gauhati High Court leh Justice Michael Zothankhuma, Judge, Gauhati High Court te pawh in Judicial Officers te fuihna thu an sawi a ni.
