ECI ruahmanna angin vawiin zing dar 7:00 atanga tlai dar 4:00 chhung khan 12-Aizawl North-III (ST)A.C. Bye-Election chu tluang takin neih a ni a, EVM leh VVPAT khawl thalo pahnih khat thlak ngai tih loh chu harsatna dang engmah awm lovin vote thlak a ni. Aizawl North-III huam chhunga Polling Station hrang hrang te chu Chief Electoral Officer Pi Manisha Saxena, IAS, DEO Dr Franklin Laltinkhuma, IAS leh Joint CEO Pu F.J.Liantluanga ten an tlawh kual a, vote thlak zawh hnu-ah EVM leh VVPAT te chu Presiding Officer ten rawn phur khawmin Strong Room, Assembly Annexe inhnuaiah uluk taka venhimna hnuaiah dah luh nghal zel an ni a, tala-a kalh hnan tlat an ni. ECI duan angin Vote tla te hi ni 24 November 2015 zing dar 8:00 atangin chhiar tan a ni ang.