Vawiin February ni 4 (Thawhtanni) 2013 khan Administrative Staff College Guwahati ah Union Minister for Roads Transport & Highways Pu CP Joshi hovin NE State Chief Minister leh PWD Minister ten Review Meeting on Special Accelerated Road Development Project (SARDP-NE) neih a ni a. Hetah hian Parliamentary Secretary, PWD Pu Lal Thanzara chu telin Mizorama kawngpui hrang hrang leh National Highway chungchanga hmalak mek leh harsatna te a thlen. He meeting ah hian Union Minister chuan India hmarchhak State te mamawh lian ber chu kawng tha a ni tiin theihtawp chhuah tlang turin State tin te a sawm a, contractor te leh a thawktu State PWD te pawh chaktaka hnathawk turin a fuih.

Mizoram atangin Parliamentary Secretary hi Principal Secretary, PWD Pu Lalram Thanga, Engineer-in-Chief Pu Lianchungnunga leh Chief Engineer Highways Pu Vanlal Duhsaka ten an tawiawm a ni.