Tukin khan War Memorial, Treasury Square, Aizawl ah  kum 1971-a India leh Pakistan indonaa India-in hnehna a chan hriatrengna, kum tina ni 16 December-a hman thin, Vijay Diwas (Victory Day) hman a ni a. Kum 1971 December 16-ah khan East Pakistan Sipai 93,000 hotulu ber Lt.Gen Amir Abdullah Khan Niazi leh Lt.Gen Jagit Singh Arora, allied forces hotupa ber chuan India in hnehna a chang tih nemngheh nan Indo-Pak War 1971 tihtawpna thutlung an ziak a ni.

Sipai Martar te thlan lungphun ah hian India leh a tanrualpui sipai huaisen, ram tana an nunna hlu tak hlantu te hnenah zahna leh chawimawina lantirin Sawrkar hotute, military personnel  leh mi pawimawh ten pangpar an dah a. Chief Minister Pu Lal Thanhawla chuan zahna pangpar  hi a dah hmasa ber a;  Home Minister  Pu R.Lalzirliana in dawtin Lt.Col.(Retd) Z.S.Zuala, Parliamentary Secretary leh  Capt.(Retd) Hmingdailova Khiangte, Parliamentary Secretary ten an dah hmasa leh a. Hemi hnu hian  Pu Lalmalsawma, Chief Secretary, Pi Renu Sharma, Principal Secretary, Home,etc,  Pu Thianghlima Pachuau, Director General of Police, Maj.Gen M.V. Chandran,YSM, VSM, IGAR, Brig. KP Singh, YSM, Dy IGAR(E), Brig. M.S. Mokha, SM, Commander, 23 Sector AR, Pu Kannan Gopinathan, Aizawl District Bawrhsap, Pu Lalhuliana Fanai, Aizawl SP, Pu C.Lalthanmawia, Aizawl SP Traffic, Sipai officer-lian te, war veteran te, Ex- Services member te leh mi pawimawh ten zahna pangpar an dah a ni.