Nimin khan DC Conference Hall, Mamit-ah District Level Committee chu Pi Lalbiaksangi, District Bawrhsap hovin Mamit District chhunga BADP sum hmanga hnathawh dan tur Action Plan thlir hona neih a ni.

Meeting-ah hian Mamit District chhunga Border Area Development Programme (BADP) sum hmanna tur atan hian District chhunga RD block pahnih Zawlnuam leh Phaileng huam chhunga hmasawnna hna thawhna tur hrang hrang te thlirho a ni a, W.Phaileng RD Block huam chhunga khaw 18 tan kawngpui thawm that, khawkar inkalpawhna, community Hall, Information Building, Bazar Building leh School sak nan te hman tura ruahman a ni.

Zawlnuam Block huam chhung khaw 32 te tan BADP sum hmang hian Lei siam that, khawkar kawng sial thar, ruahtui dahkhawlna siam leh khawchhung tih hmasawnna hrang hrangah te hman tura ruahman a ni bawk.

Nimin Meeting-ah vek hian W. Phaileng RD Block hnuaia Multi Sectoral Development Programme (MsDP) kalpui dan tur thlir hona neih niin MsDP hi khawtlang hmasawnna tura tangkai thei ang bera hman turin meeting chuan a rel a, hnathawhna tur khua leh hmun atan hengte hi ruahman niin, PHC W. Phaileng Kitchen Building, Approach Road to PHC Phuldungsei, Water Tank PHC Phaileng, Dumping Ground at New W. Phaileng, W. Phaileng, Phuldungsei, Rural Housing te bakah hmasawnna hna hrang hrang kalpui dan tur rel a ni bawk.

Heng bakah hian leh Schedule Area huam chhunga Schedule Tribe te tana District Plan Article 275 (1) hnuaia Rs 239.63 lakh hmuh tur atan Action Plan siam niin thlirhona neih zui nghal a ni.

Meeting-ah hian District chhunga Block Development Officer pathum bakah Official dangte an tel a ni.