Sorkar hnathawkten an thil neih sorkar an hriattir nana kumtin thehluh tur Property Returns chungchangah vawiin khan I&PR Conference Hall, Kolasib-ah training neih a ni.

Training hi DC charge la mektu Pu R.Lalremsanga, Additional DC, Kolasib in a hawng a. Pu R.Lalremsanga chuan Property Returns sorkar hnathawk tan thehluh that a pawimawh thu sawiin, kaisanna leh thubuai neih thleng a a nghawng theih avangin ngaihpawimawh a ngai a ni a ti.

Training hi Pu Vanlalzuala Chhangte , Superintendent, Vigilance Department in a pe a. Property Returns pek dan tur Danin a sawi te leh form fillup dan tur a sawi a. Property Returns a huntaka thehlut thin turin gazetted officer te hrilhin, Property Returns thehlut lo te Performance Appraisal Report pawm theih a nih loh thu a tarlang bawk a ni. Training ah hian sawihona hun thatak neih a ni bawk.