Vawiin khan Pu Lalrinliana Fanai, IAS, Secretary, H&FW Office Chamber ah State Task Force Committee for Immunization on National Immunization Day (Pulse Polio Immunization 2017) and Mission Indradhanush Phase-4 an thukhawm.

Meeting ah hian DR. Lalhlimpuii, Surveillance Medical Officer (SMO), World Health Organization (WHO) in NID leh Mission Indradhanush chungchangah Presentation a pe a. January 2017 a national Immunization Day on Polio neih dan tur te, Hridanna Beihpui Mission Indradhanush Feb-2017 a neih tan tur te sawi ho a ni a. Mizoram chu Hri danna lamah thawk tha viau mah se, a dawngtu tur naupang leh nu han chhut chhuah (Statistics on Recipient Child-Mother) lamah a fel loh thin avanga uluk taka micro Plan siam a pawimawh thu te sawiho a ni. Siam dan training pek a nih tawh thu leh Distrcit thenkhat ten plan chu siam zoa an thehluh tawh thu te tarlan a ni.

Hrileng laka lo inven lawkna Surveillance System chungchang pawh sawiho a ni a. Integrated Disease Surveillance Programme(IDSP), Expanded Programme on Immunization (EPI) leh World Health organization (WHO) te thawk hova thla tin inhmukhawm tura rel a ni a. District tina Deputy Commmissioner (DC), Block Development officer (BDO) leh Autonomous District Council 3 ten Hri danna lama hma la ve tura ngen leh hriattir nise ti a rel bawk a ni.

Meeting hi Pu Lalrinliana Fanai, Secretary, H&FW in a kaihruaia, Dr K Lalbiakzuala, Mission Director, National Health Mission, Mizoram, DR.Vaibhav Rao Patil, State Consultant, UNICEF, ADC 3 Liasion Officers, Social Welfare Department, Education Department leh I&PR Official ten an telpui a ni.