India ramin British sawrkar awpbehha lak ata a indanna Ni champha "Independence Day" 2010 chu tukin zing dar 7:30 khan District Playground, Saiha Vengpui-ah ropui taka lawm a ni. He Ni lawmna ah hian Pu R.Romawia, Speaker, Mizoram Lagislative Assembly chu Khuallian niin zing dar 7.30 ah hnam puanzar pawtpharh in Parade Contingents te chibai a chhanglet a, thu sawiin khual lian chuan Mizoram sawrkarin mipuite hmasawnna tur kawng hrang hranga hma a lakna te a tarlanga, District hrang hrangah hmasawnna hna kalpui mek anih ruala, ram pum hmel tidanglam thei tur hmachhawp leh ruahmanna tam tak sawrkarin a neih thute a sawi bawk. Saiha District bikah Tui thianghlim hnianghnar zawka kan neih theih nan PHE Department chuan District chhung khaw hrang hrang heng-Bualpui 'NG', Cheural, Lawngban, Lungzarhtum, Phura, Rawlbuk leh Siata khua-ah te cheng nuai 106.90 senga hmalak mek anih thu leh cheng nuai 8.00 senga tui khawlkhawmna tur hmun hrang hranga bun mek anih thu a sawi a, UD&PA Department kaltlanga miretheite chenna In 200 sakna tur sanction anih tawh thu a sawi bawk. BRGF kaltlangin kum 2009-2010 chhung hian cheng nuai 825.50 Saiha District tana pek anih thu sawiin NREGS kaltlangin cheng nuai 1686 Saiha District in a dawn tawh thu a sawi bawk ani. Heng bakah cheng nuai 381.00 sengin vantlang mamawh hrang hrang siam anih thu khuallian hian a sawi bawk. Kum 2009-2010 chhungin IAY hnuaia BPL chhungkaw tan In thar 113 sak anih tawh thu a sawi bawk a ni.
He Independence Day, 2010 lawmna ah hian Parade Contingents 15 an awm a, School Contingents 10 leh Uniform Contingents 5 te an ni. Uniform Contingents ah Bharat Scout & Guides, Donbosco School te pakhatna niin N.C.C Government Higher Secondary School, Saiha te pahnihna an ni a, 2nd Bn. M.A.P. Saiha te chu pathumna an ni. School Contingents ah pakhatna E.C.M. Higher Secondary School. Saiha te an ni a, pahnihna Lorrain English School, Saiha te leh pathumna Government Siaha High School te an ni. Parade Contingents zawng zawng te hnenah hian Consolation Prize hlan an ni bawk.
Independence Day pual hian infiamna chi hrang hrang neih a ni a, heng Football, Volley Ball, Badminton leh Chess ah te hian inelna neih ani a, chung infiamna a lawmman latute chu- Football-Pakhatna "40th Assam Rifles Khukri Football Club" leh pahnihna "New Colony Football Club" te an ni. Volley Ball ah chuan "Southern Young Volley Ball Club" te chak berin pahnihna "Meisatla Youth Club" te an ni. "Best Spiker" ah C.Vabeirapha, S. Y. V.C. thlan ani a, "Best Setter" ah Lalchhuangliana, M.Y.C. thlan ani bawk. Independence Day puala Badminton Competition (Double) buatsaih-ah Mipa Group A,B,C, ah te then an ni a, Group-A ah Samuel Lalrinawma leh Beichono te an champion a, Group-B ah Joseph L.Chinzah leh Laldinchhunga te inkawp an champian bawk, Group-C ah H.C .Lalmalsawma Zasai leh Siatha Solo te inkawp chu an champion bawk ani. Badminton hmeichhia inelna bikah Marilyn Rualzakhumthangi leh H.C.Elisate inkawp chu an champion bawk ani. Heng intihsiakna hrang hrang a lawmman te hi Khuallian hian a sem zui nghal ani. Khuallian hi athiannuPiVanlalkimi leh Pu C. Lalbiakthanga, Deputy Secretary, Mizoram Lagislative assembly ten Aizawl atangin an tawiawm ani.
Independence Day lawmna programme a zawh hnu hian Khuallian chuan "BRGF Help Line Office "(Toll Free No. 1077 ) Deputy Commissioner's Office, Saiha a mi chu a hawng nghal a ni.Vawiin chawhnu dar 1:30 hian sawmbikte pualin Thingpui in hona "At Home" chu Chief Executive Member, Mara Autonomous District Council, Bungalow ah neih a ni. At Home neih zawh hnu hian hnuchham te chawmna In " Motherless Babies' Home " E.C.M. Kohhran Nupawl ten an enkawl lai chu atlawh nghal bawk ani.
Independence Day pual hian infiamna chi hrang hrang neih a ni a, heng Football, Volley Ball, Badminton leh Chess ah te hian inelna neih ani a, chung infiamna a lawmman latute chu- Football-Pakhatna "40th Assam Rifles Khukri Football Club" leh pahnihna "New Colony Football Club" te an ni. Volley Ball ah chuan "Southern Young Volley Ball Club" te chak berin pahnihna "Meisatla Youth Club" te an ni. "Best Spiker" ah C.Vabeirapha, S. Y. V.C. thlan ani a, "Best Setter" ah Lalchhuangliana, M.Y.C. thlan ani bawk. Independence Day puala Badminton Competition (Double) buatsaih-ah Mipa Group A,B,C, ah te then an ni a, Group-A ah Samuel Lalrinawma leh Beichono te an champion a, Group-B ah Joseph L.Chinzah leh Laldinchhunga te inkawp an champian bawk, Group-C ah H.C .Lalmalsawma Zasai leh Siatha Solo te inkawp chu an champion bawk ani. Badminton hmeichhia inelna bikah Marilyn Rualzakhumthangi leh H.C.Elisate inkawp chu an champion bawk ani. Heng intihsiakna hrang hrang a lawmman te hi Khuallian hian a sem zui nghal ani. Khuallian hi athiannuPiVanlalkimi leh Pu C. Lalbiakthanga, Deputy Secretary, Mizoram Lagislative assembly ten Aizawl atangin an tawiawm ani.
Independence Day lawmna programme a zawh hnu hian Khuallian chuan "BRGF Help Line Office "(Toll Free No. 1077 ) Deputy Commissioner's Office, Saiha a mi chu a hawng nghal a ni.Vawiin chawhnu dar 1:30 hian sawmbikte pualin Thingpui in hona "At Home" chu Chief Executive Member, Mara Autonomous District Council, Bungalow ah neih a ni. At Home neih zawh hnu hian hnuchham te chawmna In " Motherless Babies' Home " E.C.M. Kohhran Nupawl ten an enkawl lai chu atlawh nghal bawk ani.
