Mizoram sorkarin Lunglei bula Saitluk khuaa Airport siam tur ni 20.6.2006 a Lunglei DC in preliminary survey alo neih tawh chu, vawiin khan Chief Minister Pu Lal Thanhawla chuan thlawhna atangin a thlir a. A thlawhna hman, CESSNA, North East Shuttle ina an hman mekah hian Pu Joseph Lalhimpuia, Chairman, Lunglei High Power Committee, Pu S. Laldingliana, Parliamentary Secretary leh National Airport Authority of India (NAAI), New Delhi atangin R. Raja Shekhar, Gen Manager, N.V.Atale, Jt. GM leh S.K.Gupta, Dy GM ten an tawiawm a ni.

 

 

Saitluk Airport turah hian thlawhna tlanna, Runway 3.5 Kms a thui siam theih tura beisei a ni a, Detail Project Report (DPR) buatsaih nana mamawh tur cheng vaibelchhe khat pawh State Planning Department kaltlanga NEC ah thehluh tawh a ni nghe nghe a ni. NAAI atanga Expert Team rawn tira, aerial surveyte rawn  nei tura sorkarin alo nawr thin chu vawiin khan an rawn tihlawhtling ta a ni. Saitluk Airport-ah hian thlawhna lian chi A- 320 / 319 leh B-737 tum thei tura duan a ni ang.

Naktuk hian NAAI Team leh Pu Joseph Lalhimpuia, Chairman,HPC leh Pu S.Laldingliana, Parliamentary Secretary te Lungleiah kalin Kawmzawl leh Saitluk airport tur te hi a hmunah an en dawn a ni.