Vawiin chawhma dar 11:00 khan Pu N. Chakhai, Additional Deputy Commissioner, Saiha District, Saiha kaihhruaina hnuaiah DC’s Conference Room-ah kumin 2013-a India Independence day lawm dan tur ngaihtuah in meeting neih a ni.

He meeting-ah hian India Independence Day, 2013 lawm dan tur programme chu duan lawk a ni a,khuallian atan Chief Minister emaw Minister tu emaw ber sawm nise tih rel a ni. He Ni lawmna a Hnam hla (National Anthem) sa turin Govt. Higher Secondary School naupangte ruat an ni a, Uniform leh School Contingents atangin Parade Contingents 20 tal tel thei tura beisei a ni bawk. He Ni lawmna chikhat atan District Jail, Hnuchham In leh Damdawi In ah te thilpek hlanna neih a ni anga, heng thilpek te hi MHIP, MCHP leh LWA nen tangkawpin D.C. Office lama official ten an nei ang. Kumin hian Independence Day lawmna football tournament buatsaih tum leh a ni a, a buaipui turin Saiha District Football Association te ruat nghal an ni.