2188/2025-2026

Siaha the 13 November, 2025: Tun hnaia India leh Myanmar inrina bul khaw thenkhatah khawthalo a len avangin vawiin chawhma dar 11 khan DC Office Chamber Siaha-ah hma lak dan tur relin thutkhawm a ni.

Thutkhawm hi DC Pu VL Hruaizela Khiangte in a kaihruai a, “kawthalo hi inkaichhawn awl tak anih avangin darh zel thei a ni a. Chuvangin mi tinte kan fimkhur a, faina leh thianghlimna kan ngaih pawimawh deuh deuh a ngai a ni” a ti.

Chief Medical Officer, Siaha district Dr. Lalrengpuii Ralte in report pein, Lomasu khuaah November 5, 2025-ah damlo nei tanin, Lodaw khuaah November 11, 2025-ah damlo an awm tih hriat a ni. CMO-in a hriat veleh November 11, 2025 tlaiah he’ng khaw pahnihah hian Medical team tirh nghal an ni. Pu M. Laikaw Chief Executive Member, Mara Autonomous District Council, Siaha chuan Medical team te ken tur damdawi leh mipui mamawh hrang hrang hi a tum vek a ni.

Tun dinhmunah Lomasu khuaah damlo 14 awmin, Lodaw khuaah damlo 4 an awm mek a, mitthi pathum (3) an awm tawh bawk. Khaw pahniha tui leh ek sample hi Zoram Medical College & Hospital-a endik turin ruahmanna siam a ni. Mipui vantlang tan health advisory siam ni bawkin Joint VC Siaha district kaltlangin puanzar a ni bawk.

Lomasu leh Lodaw khua hi Myanmar nena inkalpawh awlsam tak niin raltlan thahnem tak an awm bakah lirthei leh ke-a lehlanga ni tin inkal pawh thin eng emaw zat an awm thu sawilan a ni bawk.

Vawiin thutkhawmah hian Pu M. Misael, PD, DRDO, Dr. Lalrengpuii Ralte, CMO, Pu Lalnunhlua, SDPO, Pu Lalnunfela Chhangte, SDC, MTP General Headquarters President Pu Pakhaw Chozah leh Pu Lalzuithanga, District Organiser DM&R te an tel a ni.