Mizoram University Convocation hmanpui tura lo kal President Pratibha Devisingh Patil chuan vawiin khan Aizawl a lo lut a, Raj Bhavan-ah thlengin vawiin tlai khan ama puala Civic Programme Raj Bhavan Circular Lawn a buatsaih ah a telpui.
Vawiin tlaia ama puala inkhawm buatsaihah hian President chuan Kum 1986 a Sawrkar Laipui leh MNF ten inremna an ziah rah chhuah tun thlenga hmuh theiha a awm chu lawmawm a tih thu a sawi a. He zalenna tluantling nei thei tura Mizo mipuite thawhrimna fakin Sawrkar inthlanpui zalen tak leh ralmuang taka neih ani thin te hian Mizo mipuiten rampum ke pen ruala ke pen ve tura an duhna a tilang chiang hle a ni a ti bawk.
President chuan India ram chuan hma sawn zelin IT lamah phei chuan khawvelah hmahruaitu ani hial tawh a, India ram hmasawnna tichak lehzual tur hian kan vaia kan thawh tlan a ngai a ni a ti a, ram hmasawnna tehfung pawimawh ber chu mipuite thleng phak hmasawnna a awm hian a nih thu sawiin mirethei leh chanhai ten midangte phak tura ke an pen tak tak theih hunah chauh hmasawnna tluan tling chu a awm dawn a ni a ti a. Mizoram sawrkarin miretheite chawikan na tura NLUP a ruahman chu lawmawm a tih thu sawiin a hlawhtlinna tak tak chu mipuite leh Sawrkar tanrualnaah a innghat a ni a ti a, NLUP a lo hlawhtlin ngei theih nan Mizo mipuite hnenah duhsakna a hlan nghal bawk a ni.
President chuan Mizoram hmasawnna tur atan chuan intlawhpawhna kawng neih that a tul thu pawh sawiin, hemi kawnga Sawrkarin hma a laknaah tha thlah lova tan la zel turin a fuih bawk a ni. Hetihlai hian President chuan hmasawnna tluantling nei tur chuan mihring thiamna (human resources) tihpun a ngaih tel thu sawiin, Sawrkar Laipui pawhin thalaite hnathawk tlaka thiam tir vek a tum a,naupang kum 6-14 inkar tan phei chuan lehkha zir ngei ngei na tur dan Right To Education a siam hial a ni a ti a, Mizoram pawh ziak leh chhiar thiam tam lamah Kerala khumin ram puma pakhatna a nih theih ngei a beisei tlat thu a sawi bawk.
President chuan ei leh bara intodelh a pawimawhzia tarlangin hemi kawnga Mizoramin harsatna lian tak tak a neih, tlangram lo neih (Jhuming) tih reh na turin Mizoram sawrkarin hma a la chu lawmawm a tih thu a sawi a, harsatna dang, Mau Tam vanga harsatna sukiang turin hemi chungchang zirchianna neih a pawimawh zia thu pawh a sawi bawk a ni.
President chuan Mizoram chu khualzinte hip tura ram leilung mawina nei tha ber te zing ami a ni tiin Anthurium Festival buatsaih thin te chu hemi kawngah hian hmanraw tangkai tak a ni a ti a. Hemi bakah hian Mau leh thing hmanga industry tenau dinna tur te, agro-industry leh handloom leh handicrafts bakah ramhmul damdawi siamna industry dinna turin Mizoram hi a duhawm hle a ti bawk a, Mizo puan leh shawl mawi tak tak te chuan Mizo hmeichhiate kut themthiam zia a tilang chiang hle a ni a ti bawk. President chuan ram hmasawnna atan hian hmeichhia leh naupangte hamthatna ngaihthah theih a ni lo ti a sawiin ram hmasawnna kawngah hmeichhiate nasa zawkin inhmang se a duh thu pawh a tarlang a ni.
Mizoram chu leilung hausakna nei tha ti a sawiin President chuan thangthar lo la awm zel tur te tan hengte hi humhalh that a pawimawh tih a sawi a. Khawvel boruak chhe zel tur venghim tur pawhin thing leh mau leh nungchate humhalh hi a pawimawhin power siamthar leh zel theih chi (renewable energy) kawlphetha, nizung chakna, thli chakna leh biomass lampangte hman uar a tul thu a sawi.
Tuna Mizoram dinhmun duhawm tak boruak ralmuang leh ram leilung hausakna tha tak nen hian India rama ram hmasawn berte zinga tel turin mizoten theihna in nei a ni a ti a, Mizo mipuiten amah an lo lawmna leh duhsakna ah lawmthu sawiin President chuan Governor, Chief Minister leh Mizoram sawrkar chungah pawh lawmthu a sawi a, Mizo mipuite hnenah duhsakna sang ber a hlan bawk a ni.
President hian Raj Bhavan-a Handloom, Handicraft leh Flower Exhibition te a tlawh a, Raj Bhavanah hian Mizoram a rawn tlawh hriatrengna thing an nupa in an phun a, hemi hnu hian Civic Reception-ah Mizoram chhunga pawl hrang hrangte nena inkawmna hun a hmang a, zaninah Raj Bhavan-ah Governor-in President pual hian zanriah a buatsaih a ni.
President hi official mi pawimawh dangte bakah a pasal Dr. Devisingh Shekhawat-an a rawn tawiawm a. Naktukah Mizoram University Convocation a hmanpui ang.
President chuan India ram chuan hma sawn zelin IT lamah phei chuan khawvelah hmahruaitu ani hial tawh a, India ram hmasawnna tichak lehzual tur hian kan vaia kan thawh tlan a ngai a ni a ti a, ram hmasawnna tehfung pawimawh ber chu mipuite thleng phak hmasawnna a awm hian a nih thu sawiin mirethei leh chanhai ten midangte phak tura ke an pen tak tak theih hunah chauh hmasawnna tluan tling chu a awm dawn a ni a ti a. Mizoram sawrkarin miretheite chawikan na tura NLUP a ruahman chu lawmawm a tih thu sawiin a hlawhtlinna tak tak chu mipuite leh Sawrkar tanrualnaah a innghat a ni a ti a, NLUP a lo hlawhtlin ngei theih nan Mizo mipuite hnenah duhsakna a hlan nghal bawk a ni.
President chuan Mizoram hmasawnna tur atan chuan intlawhpawhna kawng neih that a tul thu pawh sawiin, hemi kawnga Sawrkarin hma a laknaah tha thlah lova tan la zel turin a fuih bawk a ni. Hetihlai hian President chuan hmasawnna tluantling nei tur chuan mihring thiamna (human resources) tihpun a ngaih tel thu sawiin, Sawrkar Laipui pawhin thalaite hnathawk tlaka thiam tir vek a tum a,naupang kum 6-14 inkar tan phei chuan lehkha zir ngei ngei na tur dan Right To Education a siam hial a ni a ti a, Mizoram pawh ziak leh chhiar thiam tam lamah Kerala khumin ram puma pakhatna a nih theih ngei a beisei tlat thu a sawi bawk.
President chuan ei leh bara intodelh a pawimawhzia tarlangin hemi kawnga Mizoramin harsatna lian tak tak a neih, tlangram lo neih (Jhuming) tih reh na turin Mizoram sawrkarin hma a la chu lawmawm a tih thu a sawi a, harsatna dang, Mau Tam vanga harsatna sukiang turin hemi chungchang zirchianna neih a pawimawh zia thu pawh a sawi bawk a ni.
President chuan Mizoram chu khualzinte hip tura ram leilung mawina nei tha ber te zing ami a ni tiin Anthurium Festival buatsaih thin te chu hemi kawngah hian hmanraw tangkai tak a ni a ti a. Hemi bakah hian Mau leh thing hmanga industry tenau dinna tur te, agro-industry leh handloom leh handicrafts bakah ramhmul damdawi siamna industry dinna turin Mizoram hi a duhawm hle a ti bawk a, Mizo puan leh shawl mawi tak tak te chuan Mizo hmeichhiate kut themthiam zia a tilang chiang hle a ni a ti bawk. President chuan ram hmasawnna atan hian hmeichhia leh naupangte hamthatna ngaihthah theih a ni lo ti a sawiin ram hmasawnna kawngah hmeichhiate nasa zawkin inhmang se a duh thu pawh a tarlang a ni.
Mizoram chu leilung hausakna nei tha ti a sawiin President chuan thangthar lo la awm zel tur te tan hengte hi humhalh that a pawimawh tih a sawi a. Khawvel boruak chhe zel tur venghim tur pawhin thing leh mau leh nungchate humhalh hi a pawimawhin power siamthar leh zel theih chi (renewable energy) kawlphetha, nizung chakna, thli chakna leh biomass lampangte hman uar a tul thu a sawi.
Tuna Mizoram dinhmun duhawm tak boruak ralmuang leh ram leilung hausakna tha tak nen hian India rama ram hmasawn berte zinga tel turin mizoten theihna in nei a ni a ti a, Mizo mipuiten amah an lo lawmna leh duhsakna ah lawmthu sawiin President chuan Governor, Chief Minister leh Mizoram sawrkar chungah pawh lawmthu a sawi a, Mizo mipuite hnenah duhsakna sang ber a hlan bawk a ni.
President hian Raj Bhavan-a Handloom, Handicraft leh Flower Exhibition te a tlawh a, Raj Bhavanah hian Mizoram a rawn tlawh hriatrengna thing an nupa in an phun a, hemi hnu hian Civic Reception-ah Mizoram chhunga pawl hrang hrangte nena inkawmna hun a hmang a, zaninah Raj Bhavan-ah Governor-in President pual hian zanriah a buatsaih a ni.
President hi official mi pawimawh dangte bakah a pasal Dr. Devisingh Shekhawat-an a rawn tawiawm a. Naktukah Mizoram University Convocation a hmanpui ang.
Attachment
- president.bmp
- president_2_.bmp
- president_1_.bmp
- president_5_.bmp
- Loading attachment...
