India President Pu Pranab Mukherjee in ni 9th & 10th April, 2015 ah Mizoram a rawn tlawh tur leh Ninth Annual Convocation of Mizoram University (Central University)Tanhrila a hmanpui tura lo in buatsaih dan tur relin vawiin chhun dar 1:00 khan Mizoram Chief Secretary’s Conference Room-ah Pu Lalmalsawma Chief Secretary hovin sorkar mi pawimawh tak takte an thukhawm.
President meuh lo zin tur chu tha leh mawihnai taka lo dawngsawng turin theihtawp lo chhuah a ngai a ni tiin Pu Lalmalsawma chuan venhimna leh kalkawng te, traffic lamah te leh medical etc. lama hmalak dan tur a duan lawk te a sawi a. Prof. R. Lalthantluanga, Vice Chancellor Mizoram University (Central University ) chuan MZU in Ninth Annual Convocation an hman dan leh ruahman dan turte a sawifiah bawk.
President in a tlawh kual tur chin leh zan a riahna tur hmun leh bulhnai te chu uluk taka ven tur a niin traffic jam tur lakah pawh kawng sial fel vek tum a niin inbiak pawhna lam ah pawh a hrana ngaihtuah tum a ni.
President hian MZU a tlawh bakah ama puala zanriah buatsaih sak leh cultural show te entir a ni anga, Mizoram a cham chhunga amah lo dawn sawn dan tur ah Department hrang hrang te chu anmahni kaihhnawih thil ah mawhphurh na pek an ni nghal a ni.
