No.3750/2020-2021

Aizawl the 3rd August, 2020: Chief Minister Pu Zoramthanga chuan vawiin khan Prime Minister Pu Narendra Modi hnenah lehkha ziakin, Mizorama COVID-19 hrileng darh zau zel tur ven nan state leh state inkara Central Armed Police Force te veivak thin chu August thla chhung chu khap rih turin a ngen.

Chief Minister chuan tun hnaia Mizorama COVID-19 vei case thar chu a tam zawk paramilitary an nih thu leh, tun dinhmuna active case kan neih zinga 75% chu paramilitary niin, an zinga a tam zawk chu state pawn atanga tun hnaia lo lut an nih thu Prime Minister hi a hrilh a.

Heng avang hian paramilitary forces te hi mipui mimir natna hrik kaidarhtu an nih loh nan tul tawp thilah lo chuan August thla chhung chu state leh state inkara veivah khap rih turin a ngen a; State sawrkar chuan Mizorama BSF te tan Quarantine Centre leh Covid Care Centre a buatsaih sak thu a hrilh bawk.