No.3751/2020-2021

Siaha;August ni 3: Vawiin chawhnu khan Siaha DC Pu Bhupesh Chaudhary IAS chuan MGNEGS sum atanga siam ECM HSS kawta Volleyball Court a hawng. He VolleyBall court hi Rs. 4,49,257/- senga siam a ni a. Tarik ni 24/2/2020 ah hna tanin; tarik ni 25/3/2020 khan zawhfel a ni. Vawiin hawnna programme tawi hi ECM HSS school a hman niin; programme hi Pu C.Tawkliana,VCP ECM Vaih in kaihruaiin; Pu Bhupesh in thusawina hun a hmang.

Pu Bhupesh chuan Siaha district-ah hian Thalaite intihhlimna tur hmunhma leh Sports infrastructure kan neih chau hle a, hemi avang hian thalai thaza rual tamtak chuan ruihtheih thilah an tluk luh phah ni a; a hriatthu a sawi. Siaha district in Zirna lama hma kan sawn theihna amah hova KAWNG KAWHHMUTU din a nih thu sawiin; kawng kawhhmutu programme hnuai-ah hian Smart Class te, Library te, Edu Fix Apps te tihpui tlin a ni tawh a ni, a ti. Siaha district chhunga Anganwadi centre zawng zawngah Syntex tuizem, Bookshelf leh furniture engemawhzah semchhuah a ni tawh a.Infiamna lamah pawh hmalak chho mek a ni a, Sports goods te pawh School tinah semchhuah lo ni tawhin; tunah ECM HSS kawta Volleyball Court siam a lo ni leh thei chu lawmawm a ti thu sawiin; Thalai Volleyball tui mi te tan engemaw chen an tuihalna a tihreh ngei a beisei thu a sawi bawk.

Pu Bhupesh chuan Meisatla field a Gallery pakhat siam tura Airtel Company pawh a biakfel tawh thu a sawilang bawk. ECM HSS hman a tan an Principal Pu L.Paly hnenah Volleyball leh Net a present bawk.

Vawiin chawhnu vekah khan Pu Bhupesh Chaudhary IAS chuan Siaha khawpui chhunga hnuchham In 4:- 1)Grace Children Home--- an vaiin-17; Mipa naupang--5 leh hmeichhe naupang-11, Nausen Thlaruk(6 month) --kum 12 inkar an ni.
2) Boys' Orphanage Home, an vaiin 9, kum 7- 15 inkar an ni hlawm.
3) Ebenezar Children Home; an vaiin 10, hmeichhia-6 leh mipa-- 5; kum 4-12 inkar an ni hlawm.
4)Siaha Child Adoption Centre--Naupang 1

te tlawhin thilpek tangkafai Rs.10,000 + Plastic Chair 5 + hmawmsawm a pe theuh hlawm a ni. Saikao khuaa Charity Home erawh a tlawh hman tak loh avangin DC office Staff te kutah thilpek hi a dahsak hlawm a ni.