India ram puma SSA hnathawh leh hmalakna chi hrang hrang tarlanna tur SSA ShaGUN portal chu kar hmasa (Nilaini) khan India Habitat Centre New Delhi-ah Union MHRD Minister Prakash Javadekar chuan a hawng.

SSA ShaGUN portal-ah hian Video leh picture chi hrang hrang upload thin a ni dawn a, state hrang hrangte achievement pawh a thar lam ber ber dahluh zel a ni dawn a ni. State tina SSA te performance behchhan hian kum khat chhunga SSA te hnathawhna atana sum hman tur ruahmanna Appraisal leh Project Approval Board meeting te pawh neih a ni tawh dawn a, Appraisal phei chu online a tih a ni tawh dawn a ni.

He Portal hi mipuite a duh apiangin ssashagun.nic.in-ah tlawh theih a ni a. ShaGUN portal Home page-ah hian picture pasarih tarlanah pahnih chu Mizoram thlalak hman a ni.