Tun hnaia Ministry of Human Resource Development-in State hrang hranga RMSA Mission te hnena sum an pekchhuah dan leh sum hman a tarlanah (www.mhrd.nic.in) Mizoram chu India hmarchhakah sum dawng hnem pawl anih mai bakah a hmanna lamah pawh hmang tha pawl a ni tih tarlan a ni.

Mizoram hian kum 2009-10, 2010-11 leh 2011-12 chhungin cheng vbch 71.72 a hmu a, hemi hun chhungah tho hian India hmarchhaka state dang Meghalaya chuan cheng vbch 13.45 an hmu a, Nagaland-in vbch 44.44 an hmu a, Tripura-in vbch 42.07 an hmu a, Arunachal Pradesh-in 47.51 an hmu a, Manipur-in vbch 81.03 an hmu a, Assam-in vbch 109.16 an hmu tih tarlan a ni. Assam leh Manipur hi mihring tamna an ni a, Manipur hi an district pakhat ringawt pawh Mizoram mipui zat dawn te an ni. Anni state pahnih tih lohah chuan India hmarchhakah Mizoram hian Ministry atangin sum a hmu hnem ber a ni.

Sum hmanna lamah pawh Kum 2011 December thla tawp thleng khan Mizoram chu a hmang tha pawl a ni bawk a. Mizoram hian sum a hmuh zawng zawng atangin kum 2009-2012 chhung hian zaa 63 a hmang hman a, chu chu India ram puma State hrang hrangte sum hman dan atanga thlirin pathumna a tling phak a ni. Hemi hun chhungah tho hian India hmarchhak state dangin sum hmuh an hman dan chu Manipur-in zaa 22, Meghalaya-in engzat mah an hmang hman lova (0%), Nagaland-in zaa 2 an hmang a, Sikkim-in zaa 25 an hmang a, Arunachal Pradesh-in zaa 22 an hmang a, Assam-in engzatmah an hmang hman lova (0%).

India ram pumah hian RMSA atana State hrang hranga Ministry-in sum a pek chhuah kum 2009-2012 chhung hian hmang hman mang lo an tam mai a, Delhi, Goa, Gujarat, J&K, Kerela, Lakshadweep, Puducherry leh Uttar Pradesh te chuan an la hmang hman lova. Fund utilization ah hian India ram pumah Haryana chu Mizoram chungah an awm a, a bak state dang zawng 33 chu Mizoram hnuaiah vek an awm a ni.

RMSA hnuaia sum hmuh leh hman dan atang hian India hmarchhak leh India ram pum huapah pawh Mizoram RMSA chu a ti tha ber pawl a tling phak a ni