1414/2026-2027

Dated Hnahthial, the 16th July, 2026: Vawiin khan Hnahthial DC Metting Hall-ah August ni 15, 2026 a Independence Day lawm dan tur chu District Bawrhsap Pi K.Vanlalruati hovin sawrkar pisa hotute leh NGO hruaituten an rel a. Pu Lalthansanga, Cabinet Minister chu he hunpuiah hian khuallian a nih tur thu tarlan a ni.

Independence Day lawmna hmun atan DSC/HDFA Turf Ground chu thlan niin chawhma dar 10:30-ah programme hi tan tura ruahman a ni a. Ceremonial Parade contingent 13 neih ni se tih niin a hnuaia school-te hi beisei an ni:

a) Govt. Higher Secondary School ( 2 Contingents)

b) Govt. High School

c) Govt. Southern H/S ( 2 Contingents)

d) Govt. Middle School

e) FD HSS, Hnahthial

f) Moriah Public School, Hnahthial

g) Moriah Higher Secondary School

g) St. Stephen’s School Hnahthial

h) Govt. Model Middle School

i) Nuchhungi English Medium School

j) Baptist English School

Hei bakah hian Lunglei 2nd Batallion English Medium school hnen atangin Pipe Band beisei a ni bawk.

Meeting chuan parade rehearsal hun atan August ni 11-13 zing dar 6:45 chu ruahmanin March-Past endiktu (judges) leh Parade commander ruat chu SP office kutah dah a ni.

Independence Day lawmna hun hman zawhah hian khuallian leh sawm bik te pualin DC Bunglow-ah thingpui in hona hun (VIP’s at home) buatsaih a ni bawk ang.

I-Day lawmnaah hian Kangmei venna kawnga tithate bakah Parade Contingent-te hnenah lawmman sem tur a ni.