Ramchhung hmundangte rualin India Republic Day vawi 69-na chu ropui leh urhsun takin Mamitah pawh hman a ni a. Khuallian Pi Lalbiaksangi, District Bawrhsap chuan Parate contingents 15 te hnam puanzar chibai buk a chhanglet.

Khuallian Pi Lalbiaksangi, District Bawrhsap chuan India zalenna ni champha hmangtu kalkhawm mipui zawng zawngte chibai a buk a,India ramin zalenna a neih theihna tura nunna hlu tak hlantu hnam pasaltha te, mitinte intluktlanna, zalenna, inunauna leh inpumkhatna ram ni tura India-in mahnia inrelbawlna a neih theihna tura ram Danpui lo duang chhuaktu ram hruaitu hmasate kha kan hrerengin kan rilruin zahna chibai kan buk nawn leh a ni a ti.

District Bawrhsap chuan India ramin kawng hrang hranga hma a sawn mek laiin Mizoram pawhin hmasawnna hmel kan hmu zel a. Mamit District pawhin hmasawnna hmel thar tam tak hmu zelin District inrelbawlna tha leh felfai kan neih theihna turin District chhunga Department hrang hrangte lungrual takin kan thawk hova, DC Office, Mamit hnuaiah Aadhaar thla la tawh mi 80158 an awm a, hei hi mipui awmzat (target population) atanga chhuta 87.86% a ni. Ni 15 January, 2018 khan Final Electoral Roll, 2018 tlangzarh a ni a, Mamit District chhungah voters 64165 ( Singruk sangli za sawmruk panga) kan awm. Sawrkar laipui leh kan sawrkar hmalakna pawimawh tak mai Bru raltlante hruai kir lehna beihpui pawh kalpui mek zel niin 8th Batch Bru Repatriation atan inbuatsaih leh mek a ni a. Hemi atan hian Mamit District chhung khaw 48 ah an awmna tur siamfel a ni tawh a ni. Dan leh thupek kenkawhna lamah pawh chak taka hmalak  a ni a, thawktuten rim taka an thawhna a zarah buaina lian tham sawi tur District chhungah a awm lo a ni. District Police leh Excise & Narcotics Department te hmalaknain kum 2017-2018 chhungin MLPC Case 187 ziahluh a ni a, mi 69 te thiam loh chantir an ni. Chutih rualin zu hralhna atangin cheng 83,24,425/- ( nuai sawmriat pathum singhnih sangli zali sawmhnih panga) hmuh a ni a.Dan lova rampawn atanga lo lut dapchhuah hna leh Muslim Population enfiah hna uluk taka neih a ni bawk.

Kum 2017 chhungin District Court-ah criminal case 365 ziah luhah  case 232 chinfel a ni a, Mamit Bethel kawnah Judicial Quarter hmun tur lei fel tawh niin building sak hna thawk tura hma lak mek a ni. Hmasawnna tura hnuk pawimawh ber pakhat kawngpui tha nei turin Mamit District chuan nasa takin hmalam a pan mek zel a, Mizoram khawpui ber Aizawl nena inkalpawhna mai bakah District chhunga khaw hrang hrangte inkalpawhna kawngtha kan neihna turin PWD Department chuan hma ala mek zel a ni.

Hmalakna tam tak zingah Maintenance Action Plan hnuaiah Mamit khawpui chhung kawng meter 717 a thui blacktop-a  ni a, hei bakah hian District chhung khaw hrang hrang panna kawng pawh thuam that a ni.National Highway 44A siam mek kawng laih hna kilometer 55 zawh fel ni tawhin December 2019 ah chuan a vaia zawhfel tumin hna thawh mek zel a  ni.

Mipui Hriselna atana pawimawh tui hnianghnar kan neihna a tan PHED Department Mamit chuan hma a la mek zel a, SBM hnuaiah ekin sak hna hlawhtling taka kalpui a ni a, ni 27.12.2017 khan Mamit District chu Open Defication Free (ODF) ah puan a ni.  National Rural Drinking Water Programme hnuaiah District chhung khaw 5 ah te tui thianghlim lak hna kalpui a ni a, BADP leh MsDP hnuaiah  project hrang hrang kalpui a ni bawk, District dapchhuak kawlphetha pek hna kalpui mek ah Deen Dayal Upadhyaya Gram Jyoti Yojana hnuaiah District chhung khaw 12 ah eng pek hna kalpui mek a ni a, heng zinga khaw 4 te hi February thla hian eng pek hman tum a ni. Prime Minister Sheme  Pradhan Mantri Sahaj Bijli Har Ghar Yojana chu ram puma an tih angin ni 17.1.2018 khan Mamit District-ah pawh launch a ni. Ram leilung hmanga eizawnna kalpuinaah Agriculture Department chuan hmasawn zelin National Mission on Oil seeds and Oil Palm ( NMOOP) hnuaiah Oil Palm tiak 14488 sem chhuah a ni a, Oil Palm rah hi Rs nuai 150,64,170/- lai hralh chhuah a ni. Agriculture Department hnuaiah hian NLUP hnuaiah chhungkaw 1967 leh NLUP-NEDP hnuaiah chhungkaw 19 te puih an ni tawh bawk.

Horticulture Department hnuaiah chhungkaw 3582 te hnenah 1st & 2nd Phase tanpuina pek an ni tawh a, NEDP ah chhungkaw 500 te tanpui an ni dawn bawk. Ranvulha eizawnna lamah AH&Vety Department kaltlangin NLUP vawk note 1018 leh Ar note 49050 sem chhuah tawh a ni, RKVY leh NEDP-NLUP hnuaiah chhungkaw thahnem tak tanpui an ni bawk. Fisheries Department kaltlangin Welfare of Fisherman hnuaiah chhungkaw 43 tanpuina pek an ni a, Fish Farmer Development Agency hnuaiah mi 137 te tanpui an ni tawh bakah Blue Revolution hnuaia Sangha Dil thar siam leh a awmsa cheibawl hna mi 108 te tan thawh mek a ni bawk.District Rural Development Agency (DRDA) hnuaiah MGNREGS kaltlangin chhungkaw 20726 te tan ni 39 inhlawhna pek an ni tawh a, ni 9 inhlawhna tur siam leh mek a ni, PMAY hnuaiah in nei lote tan in 164 sak mek a ni. Kan District chuan zirna lamah nasa taka hmala-in, SSA Mission hnuiah naupang school kal lo 425 ten school pangngai an kal theih nan Trainer 28 chhawr an ni a, Govt Mamit High School ah leh higher secondary ah te Vocational Education kalpui a ni bawk.

Govt. Mamit College pawhin hma sawn zelin Smart Class Room Cheng Nuai 70 senga sak chu luah tan a ni a. District Hospital leh damlo enkawlna hmun hrang hrang thuam that zel a ni a, kan District-ah pawh Health & Family Welfare Department hmalakna hnuaiah hmasawnna kawng hrang hrangin kan hmu a. Intensified Mission Indradhanush (IMI) hnuaia target aia sang daih naupang leh raipuar vaccine pek an ni a. Thawktute thahnemngaihna zarah Annual Parasite Index (API) chu 9.7% ah tla thlain Malaria vanga thi report kan District-ah a awm rih lo te hi hmasawnna chhuanawm tak a ni.

Tunah hian District Child Protection Unit (DCPU) hnuaiah naupang rethei leh tanpui ngai zual bik 38 te hnenah Sponsorship thlatin Cheng 2000/- Bank Account kal tlangin pek mek a ni. Mamit District-ah hian Childrens Home 2 awmin, Specialized Adoption Agency hawng tura hmalak mek a ni bawk. Heng bakah hian ICDS Project hnuaiah naupang leh hmeichhe tleirawl inziak lut 19832 kan nei a. Reiek, W.Phaileng leh Zawlnuam ICDS Project te enkawlna hnuaiah naupang Kum 6 hnuailam, nu leh naupai, hmeichhe tleirawl leh tarte enkawlna leh chhawmdawlna Anganwadi Centres 282 a awm a ni.

Environment, Forest & Climate Change (EF&CC) Department kaltlangin National Afforestation Programme hnuaiah kan District-ah pawh Plantation hectare 70 a zau siam a ni a, National Bamboo Mission hnuaiah Plantation hectare 290 a zau siam a ni bawk. Mamit Forest Division ah hian 1st Phase  4th Phase thlengin NLUP Beneficiaries 145 an awm tawh a, tanpuina pawh pek zawh vek an ni tawh bawk. Teak chingtuten an hralh theihna turin ruahmanna siam niin Teak Planters 205 register tawh an ni bawk.

Soil & Water Conservation Department chuan RKVY hnuaiah Cheng Nuai 24 hmangin District chhungah hmalak a ni a,  hecture 150 a zau Rubber plantation  siam a ni. UD&PA Department  kaltlangin PMAY-Housing for All hnuaiah mi 40 te hnenah loan pek a ni a, Self Help Group 40 din a ni bawk. Industry lamah pawh hma sawn zel a ni a, kum 2017-2018 chhungin industry tenau dinna tur PMEGP loan mi 24 hnenah pek tura ruahman a ni a, NLUP hnuaiah chhungkaw 1148 te tuam kim an ni tawh bawk.

Vawiin India Republic Day Mamit-a lawmna ah hian Parate contingents 15 awmin Armed contingent 1 leh School contingents 14 an ni a, Mamit Pipe band te chuan Parate te kalrem music an tum a ni. Parate Commander hi Inspector Lalthansanga a ni a, 2nd Commander hi SI Lalsangliana ni, School contingents ah hian pakhatna chu St Francis of Assisi School Girls contingent te an ni a, 2-na chu Hmunsam Public School niin 3-na chu New Diamond School Girls te an ni. Mamit khawpui chhunga Sawrkar Department hrang hrang 10( sawm) District Education Office, DC Election Branch, Agriculture, SBI Mamit Branch, UD&PA, Horticulture, Forest Department,PHED, Health & Family Welfare leh Fire Emergency Service te chuan an hmalakna  pholanna atan Tableau Show neiin Department hrang hrangte hi participation certificate hlan an ni bawk.

Republic Day pual hian khuallian chuan Mamit District hospitala dam lote, Observation Home leh Buannel Childrens Home tlawhin  thilpek a pe bawk a ni. Sawmbikte pualin DC tualzawlah At Home buatsaih a ni bawk.