No.7340/2020-2021

Vawiin khan ram chhung hmun dangte rualin DC Office kawtzawl Lunglei ah India Republic Day vawi - 72 na ropui taka lawm a ni. Pu V Lalsangliana, IAS Lunglei Deputy Commissioner chu khuallian a ni.

Zing ni chhuah rualin Lunglei District chhunga sawrkar Pisa hrang hrangah India Hnam Puanzar zar niin a lawmna pui ber chu zing dar 8:00 a.m ah neih tan a ni.  Pu V Lalsangliana chuan hnam puanzar pawtparhin 2nd Battalion MAP ten hnam puanzar chibai an buk chu a chhanglet a ni.

Khuallian Pu V. Lalsangliana chuan Lunglei District mipuite chu Republic Day chibai bukin India khua leh tuite tan zalenna sual chhuak tu ram hruaitu hmasate zahna chibai a buk bawk a. Kan ram Dan Bu (Constitution of India) siam leh hman tanna ni ah hian he Dan Bu ropuina leh hlutna hre chhuak thar leh theuh ila tiin Lunglei DC chuan mitin te kan dikna leh chanvo humhalh saka kan awm hi kan vannei takzet a ni, a ti. India khua leh tui zawng zawng ten kan ram Dan ropuina leh zahawmna vawng him turin tih ve tur (Fundamental Duties) kan kova innghat te kan hlenchhuah ve a tul takzet a ni, a ti bawk.

Lunglei DC chuan Republic Day thuchah sawiin District chhunga hmasawnna hna thawh hrang hrang atarlang a ni:

District Treasury, Lunglei atangin 2020-2021 chhungin Pension Payment mi 323 hnenah pek chhuah a ni a, Pension category 9 hnuaiah Pensioner 3343 an awm a ni. Agriculture Department hnuaiah SEDP hnuaiah vaimim chi tha leh a enkawlna tur hmanrua loneitute hnenah sem chhuah a ni a, ram Acre 300 a zau ah quintal 877.36 thar chhuah a ni. Agriculture Link Road kilometre 30.06-a thui laihna atan cheng Nuai 150 leh sing 8 hman a ni. AH&Vety hnuaiah Vety Hospital, Vety Dispensaries leh Rural Animal Health Centre hranghrangah ran 44,567 enkawlna pek a ni. SEDP 2019-2020 hnuaiah Pig, Broiler leh Rainbow Rooster farming trade-ah te beneficiary 154 chhawmdawl mek an ni bawk.

C&I Department chuan PMEGP (Prime Minister Employment Guarantee Programme) loan diltu mi 199 zet hnenah cheng nuai 500 Bank hrang hrang kaltlanga sanction turin an thawnfel tawh a ni. Economic & Statistics Department hnuaiah Kum 2020 chhung khan Birth Certificate 703 pek chhuah nawn (Re-Issued)niin, Death Certificate 70, Non-Availability Certificate 370 leh Delayed Permission 308 pekchhuah a ni. Excise & Narcotics Department - Kum 2020 chhunga chhiah tling khawm hi Rs. 7,80,870/- a ni. Fisheries Department hnuaiah Govt. Fish Seed Farm, Zobawk-ah August ni 20, 2020 khan hlawhtling takin vawikhatna atan Nghahrah inthlahpuntir (Breed) an ni.

National Food Security Act beneficiary revision July 2020 atanga neih a ni a, tun dinhmuna DCSO Lunglei hnuaiah Ration Card 45,413 awmin, beneficiary 1,92,634 an awm a ni. H&FW hmalaknain Covid-19 natna dona kawngah hian mi 12738 endik tawh niin Rapid Antigen Test, Truenat khawl leh ZMC, Aizawl ah RT-PCR khawl hmang tein endik an ni. Lunglei District chhunga Quarantine na hmun hrang hrangah mi 6379 dah hran tawh an ni. Lunglei District chhunga Development Schemes/Project-te tihhlawhtlinna leh bawhzuina turin High Powered Committee kutah kum 2020 – 2021 chhung atan cheng nuai 495.3 dah a ni.

Horticulture Department hnuaiah High Powered Committee (HPC) nena tangkawpin chhungkaw 200 hnenah thlai chi chihrang hrang Rs.5000/- man hu theuh pek niin NABARD sum hmangin Mualthuam, Tlabung leh Thingfal-ah techeng nuai 120 sengin infrastructure hrang hrang siam a ni bawk. Irrigation & Water Resources Department kaltlangin NABARD hnuaiah ram 64 hectares chawm zo tur tui lakna hna thawh mek niin PMKSY-1&2 hnuaiah ram 257.70 Hectares chawm zo tur tui lakhna thawh mek a ni bawk.

LR&S Department kaltlangin Kum 2020-21 chhungin chenna tur in sakna atana hmun nei lo mi 27 hnenah In hmun pek an ni a, In hmun leh huan ram Pass 151 lai chu kum 2020-2021 chhung khan a nghet (LSC)-a siamsak an ni. LAD hnuaiah Mizoram State Finance Commission (MSFC) (2019-2020) hnuaiah hmasawnna hna chi hrang hrang thawhna atan kum 2020 ah Lunglei District leh Hnahthial District (Undivided) chhunga Village Council – 143 te hnenah 1stInstallment cheng nuai 173.733 pekchhuah a ni.

COVID-19 avangin 2nd Bn MAP-te District 4 lai, heng, Lunglei Lawngtlai, Siaha leh Hnahthial District-ahte duty tir niin, International Boundary-a check gate/post-ahte duty a ni bawk. Bihar State Assembly Election-ah Company 1 (pakhat) leh Platoon 1 (pakhat) Security Duty turin tirh an ni a, buaina leh harsatna tawk lovin, tha takin an mawhphurhnate an hlen thei a, November leh December, 2020 khan LADC Election-ah tha takin duty an hlen bawk.

P&E Department hnuaiah Chhim lamin Serchhip lam atang chauha power kan dawn thin kha Melriat atanga kan lak theih nan 132KV Melriat to Khawiva Line 110km-a sei Rs.4498.06 lakh senga thawh chu October ni 14, 2020 khan hawn a ni a, hman chhunzawm nghal a ni.

MGNREGA (ni za inhlawhna) ah hian kum 2020-21 chhungin ni 94 thawh tawh a ni a, Ni 100 inhlawh tling tura inruahman mek a nih bakah Sorkarin tunah hian Covid 19 avangin inhlawhna ni 30 a dil belh mek bawk. PMAY-G hnuaiah thingtlang mite in sak tanpuina kalpui mek a ni a, kum 2020-21 chhungin chhungkaw 1229 te dawng tura ruahman a ni.

Lunglei DEF-te’n theihtawp chhuahin kum 2020 chhungin Law & Order kaihhnawih thil thleng lian tham a awm lova, COVID-19 hripui leng darh zel tur beihna kawngah Lunglei DEF atangin mi 189 leh 2nd MAP atangin Platoon khat leh, reserve mi 68 lai rim takin an thawk a ni. Lunglei DEF huam chhunga ‘Prevention & Containment of Covid Act’ kaihhnawih a pawisa chawi tir tling khawm hi Rs. 9,27,600(Nuai kua singhnih sarih zaruk) a ni. MPF scheme hnuaia Smart Policing Project kaltlangin SP Office Building chhawng chung berah District Level Cyber Crime Center din/dah a ni. 2020 chhungin dan bawhchhiatna Case 216ziahluh niin mi 286 man an ni a, kum 2020 chhunga bungraw hmuhlet hi cheng nuai 16 chuang man hu lai a ni .

December 2020 thlenga chhiah tling khawm hi Nuai 635.08 niin, Goods & Services Tax (GST) hnuaiah Nuai 369.45, Profession Tax hnuaiah Nuai 201.27 leh Mizoram Value Added Tax (MVAT) hnuaiah Nuai 64.36 te hmuhchhuah tawh a ni. UD & PA Department kaltlangin Pradhan Mantri Awas Yojana Housing for All (Urban) hnuaiah Lunglei khawpuichhungah Insaktanpuinadiltumirethei chhungkaw 792 te hnenah tanpuina Rs, 1,50,000 theuh pek mek ani a, Chhhungkua 445 ten mahni chenna tur In thar an nei ta. Lunglei ICDS Project hnuaiah Anganwadi 143 awmin hengah hian naupang kum 3 atanga kum 6 inkar 2465 an awm a, kum 3 hnuai lam 2550 an awm bawk. An vaiin naupang 5701 supplementary nutrition dawng thei an awm a ni.

Vawiin Republic Day lawman ah hian Faina Hapta 2020 puala faina intihsiakna lawmman semchhuah nghal niin category hrang hranga lawmman dawngtute chu a hnuaia tarlan ang hi a ni:

LUNGLEI DISTRICT FAINA HAPTA 2020 RESULT

JUDGES

HOSPITAL FAI

 

1st

Christian Hospital, Serkawn

MHIP

Sub - Hqrs

2nd

Hope Hospital

3rd

Civil Hospital

MARKET FAI (VLTF Enkawl)

 

1st

3 – Gate, Sethlun

MizoUpa Pawl

Headquarter

2nd

RahsiVeng

3rd

Chanmari

HIGH SCHOOL & ABOVE FAI

1st

Govt. H/S Pukpui

DEO

School Education Deptt.

2nd

Govt. H/S Electric

3rd

2nd Bn. MAP English School, Luangmual

VENG FAI - General

1st

Zotlang

 

 

YMA

Sub - Hqrs

2nd

Salem Veng

3rd

Pukpui

VENG FAI - Commercial

1st

Electric Veng

2nd

Venglai

3rd

Ramthar

VENG FAI – Special Category ( Kumtluanafaina lam a hma la tha)

Lunglawn

 

UD & PA Deptt.

Chanmari

Serkawn

Sethlun

OFFICE FAI

1st

DHO Office, Horticulture Department, Chanmari

 

 

 

MJA

 

2nd

PD, DRDA Office, Rural Department, Venglai

ARCS Office, Cooperation Department, Bazarveng

 

3rd

Medical Superintendent Office, H&FW Deptt. Chanmari

DVO Office, AH&Vety Department, Chanmari

SDO Office, PHE Department, Ramzotlang

WORKSHOP – 2/3 Wheeler

1st

Honda FideliaEnterprise, Chanmari

 

 

 

CLEAN Lunglei

2nd

Road Runner Enfield Custom, Zotlang

3rd

RD Auto Works, RahsiVeng

WORKSHOP – 4 Wheeler

1st

Auto Engineering Enterprise, Ramthar

2nd

KL Automobiles, Lunglawn

3rd

Mana Motors – Mahindra, Ramthar

RESTAURANT FAI

 

 

PHE

1st

Murray’s Kitchen, Chanmari

2nd

Ono Restaurant, Chanmari

3rd

Classic Restaurant, Venglai

HOTEL FAI

1st

Ono Hotel, Chanmari

Village Council

Welfare, Lunglei

2nd

Hotel Alabasta, Venglai

3rd

Elite Hotel, Chanmari

Attachment

  • Loading attachment...