No.7347/2020-2021

Vawiin khan India Republic Day Vawi 72-na chu DC Complex, Mamit-ah hman a ni a, Khuallian Dr. Lalrozama, IAS District Bawrhsap chuan hnam puanzar pawtpharhin 4th IR Bn Armed Contigent-te hnam puanzar chibai buk a chhanglet.

Khuallian chuan Mamit District chhunga hmasawnna hna hrang hrang tarlangin Agriculture Socio Economic Development Plan (SEDP) hnuai atangin kut hnathawktute hnenah Sprayer-125 Nos, Vaimim nuaithlakna khawl 4 Nos leh hlotur a thlawna sem chhuah a ni a. Bekang (JS-335) chi 3 Qtls. leh Behliang (P-992) chi 3 Qtls. SEDP Rabi Pulses hnuaiah Chana ram 60 Acre a zauah chin niin Chana chi 6.50 qtls. leh Pipe 6000 mtrs. sem a ni bawk. National Adaptation Fund For Climate Change (NAFCC) scheme hnuai atangin kuthnathawktute tan tui dah khawlna (Rain Water Harvesting Structure) 25 Nos. siamsak a ni a, 100 Nos. Tui dahkhawlna (Tank Renovation & Restoration) thawm thatsak an ni bawk a ti. RashtriyaVikasYojana- Remunerative Approaches for Agriculture and Allied sector (RKVY- RAFTAAR) Scheme hnuai atangin loneitute tan On Farm Development, Bunding, Irrigation channel, Land shaping & Field Drains 42 Ha. a zauah hmalak sak an ni a. He Scheme hnuai atang vek hian 6 Ha.a zauah loneitute Tel, Antam chin tir an ni a. Sub- Mission on Agro Forestry (SMAF) Scheme atangin chhungkua 350 hnenah thingtiak (tree crop) 70,200 Nos. chu ram 50.1 Ha a zaua phun turin a thlawnin sem chhuah a ni. Rainfed Area Development  (RAD) Scheme hnuaiah loneitute tan Integrated Farming System 3 Ha. a zauah kalpui a ni bawk.

Khuallian chuan Kum 2020 chhungin Oil Palm seedlings 4850 Nos. sem chhuah a nih thu sawiin Oil Palm rah (FFB) 2532.71 MT Rs. 1,39,29,905.00 man thar chhuah a ni a ti. Pradhan Mantri Krishi Sinchayee Yojana (PMKSY) Scheme hnuaiah loneitute tan tuidahkhawlna (Water Harvesting Struture) 34 Nos. (Secondary Water Harvesting Structure) 35 Nos. siam a ni a. Fostering Climate Resilient Upland Farming System (FOCUS) project hnuai atangin chhungkaw 224 hnenah fallow management tihsak an ni a. Khaw 49 ah Pangbal chintir niin 215 Ha. a zauah leilet leh sak an ni a. He project hnuai atang hian kut hnathawktute hnenah thlasik thlai chi tha semchhuah a ni. He project hnuai atang vek hian Alu chi tha (TPS) 341.50 qtls. kuthnathawktute hnenah semchhuah a nih thu a tarlang bawk.

Aspirational District Programme NITI Aayog hmalaknain India rama District hnufual, khaichhuah ngai (Aspirational District) 115 a thlan chhuah zingah Mamit District chu kan tel ve thu sawiin heng District thlan chhuahte hi tehna chi hrang hrang 5 (panga) Health and Nutrition, Education, Agriculture and Water Resources, Basic Infrastructure leh Financial Inclusion and Skill Development hmang in thlatin Department hrang hrangte hnathawh dan endik thin a nih thu a sawi a. Mamit District hian Aspirational District Programe (ADP) kalpui anih atang hian hma a sawnin tehna chi hrang hrang lawmman kan lak tawhte tarlangin chungte chu :- 1st on Education Sector March- April 2019 on ADP dashboard, 2nd Delta ranking on Nov 2019. 4th Delta ranking on Jan 2020. 2nd Delta ranking on July 2020, 2nd Delta Ranking on September – October 2020 an ni a. ADP a overall performance a that avangin NITI AAyog chuan November 2019- October, 2020 thleng khan Rs. 3 crore chu DC Mamit tan a dah a, hemi bawhzui hian Project Proposal pawh thehluh a nih tawh thu a sawi a. Tun aia hmasawnna te a lo chak theih nan tanpuina NEC, Bru Development Plan leh Corporate Social Responsibility (CSR) Fund hi heng REC Ltd. leh Hero Motocorp atangte in kan District-in kan dawng a, heng a sumfai leh thilpekte hmang hian Hriselna lama hma kan sawn theih nana infrastructure tihchangtlun nan, damdawi leh hriselna lama hmasawn nan a mamawh khawl lei nan leh Sub-Centre leh Staff quarter sak nan te hman a ni a. Heng bakah hian nu naupai leh naupang ten chaw tha leh enkawlna tha an dawn theih nana hmalak mek zel a ni bawk. Zirna lam tihchangtlun nan building sak leh zirna atan a mamawh chi hrang hrangte lei niin, naupang chauh ni lovin puitling ziak leh chhiar thiam lote zirtirna pek tur a hmalak mek a nih thu a sawi bawk.

AH & Vety Department lamah kumin hian Focus Project hnuaiah Rainbow Rooster (RR) Ar note 20,000, Chhungkaw 1000 hnenah sem niin SEDP programme hnuaiah ran in (Broiler 23, Rainbow Rooster 7, Piggery 3) sakna tur pawisa sem niin mi 33 hnenah Rs. 1,921,000.00 sem ral a ni.

Inbiakpawhna Bharat Sanchar Nigam Limited (BSNL) lam pawhin tan lain an khawl hlui 7GH3 32mbps MW system chu 7GHz 1000mbps a thlak tur niin, Internet leh a kaihhnawih pawh changtlung lehzual tura beisei a nih thu a sawi a. He khawl thar hmang hian Internet chak zawk FTTH leh 4G server te pawh BSNL hian Mamit-ah an pe thei tawh anga. Tuna Mamit khawchhunga BSNL harsatna tamtak hi sutkian a ni ang a ti. Cooperative Societies hnuaiah Pradhan Mantri Vandhan Yojona (PMVDY) Scheme chu Mamit District-ah Kum 2020-2021 chhungin hmalak tan a ni a. A bul tan nan heng Darlak Vandhan Vikas Cooperative Society, Reiek Vandhan Vikas Cooperative Society, 2 nos. of W.Phaileng Vandhan Vikas Cooperative Society, Tuidam Vandhan Vikas Cooperative Society, Zawlnuam Vandhan Vikas Cooperative  Society te hi hman an nih thu a sawi.

Co- operative Societies Mamit District-a PMVDY Scheme bul tanna (VDVK) 6 (paruk)  hmalakna atan Rs.90.00 lakh dawn tawh a ni a. VDVK tin hian bul tanna atan te, training huaihawtna atan te, hnathawhna hmanraw leina atante leh an hna thawnna tur atante Rs.15.00 lakh theuh an dawng tawh bawk a ni. Kum 2020 – 2021 chhung hian Kuhva vawn thatna (Kuhva Scope) Darlak VDVK ah leh Tuidam VDVK ah sak zawh a ni a, Zawlnuam VDVK a mi chu PMVDY hnuaiah hian sak mek a ni. PMVDY hnuaia tools and equipments provision atang hian Reiek VDVK-a Aieng Powder Processing Plant te, W.Phaileng VDVK-a Sawhthing Powder Processing Plant leh Hmarcha Processing Plant te chu siam mek an ni.

District Child Protection Unit (DCPU) Mamit District hian kum 2012 atang khan hma la tanin, thawktu hi 16 an awm a. DCPU hnuaiah hian Childrens Home 2 (Joshua’s Children Home & Buannel Home) awmin, Adoption buaipui turin Emau Specialised Adoption Agency (SAA) leh naupang dan bawhchhiate an chungchang rel fel hmaa dah lailawkna Mamit Observation Home a awm bawk a. Naupang rethei leh tanpui ngai zual bik sawmthum pakua (39) hnenah sponsorship hi thlatin Rs. 2000/- (cheng sang hnih) Bank Account kaltlangin pek mek a ni. Naupang venhimna turin theihtawpchhuahin hmalakna hrang hrang kalpui a nih thu a sawi a. Kawngkam Library naupang leh puitlingin Lehkhabu a thlawna an chhiar theih nan Charkawn leh Bazar Veng Mamit-ah dah a nih thu a sawi bawk.

DRDA Mamit te chuan Thingtlang mirethei leh eichawp dap tan hripui leng kara harsa lutuk lova eirel an neih theih nan leh mipui an tam loh nan MGNREGS atangin chhungkaw 21900 tan Ni 94 inhlawhna an siam tawh a. March thla thleng hian Ni 100 aia tam an inhlawh theih nan Central Sorkar ah bawhzui mek a ni. Material Component work atangin mipui mamawh Leilawn, Culvert, Village Internal Road, Agri Link road te siam leh chei that a ni a. FOCUS nena tangkawpin Serthlum leh Kuhva chingte tanpui an ni bawk. Central Scheme hrang hrang PMAY(G) hnuaiah insak tanpuina chhungkaw khat tan Rs.1,30,000/- (Cheng nuaikhat Singthum) zel pek an ni a. Kum 2016 – 2017 fund atangin chhungkaw 137 pek an ni a. Kum 2017 -2018 fund atangin chhungkaw 139 pek mek an ni bawk a. Kum 2019-2020 pawisa atangin chhungkaw 120 pek mek an ni a. Kum 2020 -2021 fund atangin chhungkaw 604 tanpuina pek mai theih tura hmalak mek a ni bawk. PMKSY-WDC hnuaiah Water Harvesting Structure (Community) – 5 Nos. sak a ni a, Water Harvesting structure (Individual) - 21 Nos. sak niin, Farm Pond 7 Nos. siam a ni bawk a, Production and Micro Enterprised 74 siam a ni bawk a ni.

Ei leh bar lama kan intodelh nan District Food & Civil Supply chuan National Food Security Act 2013 hnuaia hamthatna dawngtute hnenah engmah harsatna awm lovin tluang takin Buhfai sem a ni a. COVID-19 hripui leng avangin Sawrkar laipui ruahmannain PMGKAY Scheme hnuaiah Buhfai 21591.72 Qtls. Dal (Pulses)  336.87 Qtls. Chana (Pulses) 563.70 Qtl athlawnin April,2020 atanga November, 2020 thleng sem a ni a. “One Nation One Ration Card “ Scheme kalpui a nih avangin Ration Card leh Aadhaar thlun zawm tawh hi 89% niin, heng zing atang hian 25.20% endika approved fel tawh a ni. District chhungah hian buhfai chhekkhawlna tur Kudam (Godown) 3 (pathum), Rengdil, Tuidam leh Pukzing-ah November, 2020 atang khan sak tan a ni a, heng Kudam te hian Staff Quarter pahnih theuh a keng tel a ni.

District Programme Office (ICDS) hnuaiah Mamit District a Anganwadi Worker te hi Covid-19 hrileng do nan leh hri leng darh zau zel tur venna kawngah khawtual thuneitute (VLTF) a theihna a piangah, State sawrkarin dan a siamte zawm chungin, rim takin hna an thawk a, thui chawp hmaituamna tam tham tak siamin veng chhung thuneitute, kan hripui Covid-19 venkawnga a hma tawng a awm te tana hman tur in an hlan a ni. CMO leh Education Department tangkawpin National Deworming Day 2020 chu hlawtling taka kalpui a ni a. Tin, Asha leh Health worker-te awmna hmun thenkhat ah chuan rulhuthlo (Albendazole) naupangte hnenah dose khat theuh a pek vek niin, an hmuh lai ngeiin eitir an ni a. Sawkar-in kan hripui Covid-19 leng avanga dan an siam bawh chhe si lovin, in tina kalin sem kual a ni bawk a ni.
 
District Transport Office
hnuaiah Motor Registration 710 nos.  Driving License pek chhuah zat – 1171 nos. Motor chhiah leh fee chi hrang hrang atanga revenue hmuh zat chu Rs. 94,25,581/- (ninety four lakh twenty five thousand five hundred eighty one) a ni.
 
District Jail, Mamit- ah Jail tang mi 61 awmin Office building leh staff quarters pathum chu achung(roof) a far/put avangin cement concrete-a siamthat a ni. Jail tangte an chhungte'n an tlawh thin chu Covid-19 inkaidarh hlauhawm thu-ah khar rih a la ni.Vawiin thleng hian jail tang zingah Covid-19 positive an awm lo a ni. Thuneitu sang zawkte remtihnain Covid-19 darh zel avangin Under Trial Prisioners mi 18 leh Convicted mi 5 te chu ngaihnathiamna nen chhuahtir an ni.
 
Mipuite hrisel nana thawktu District Hospital te chuan hrileng karah rim taka hnathawkin kum 2020 chhung khan OPD a inentir mi 19476 an awm a, tin damdawi in a enkawl mi 1415 an awm bawk. REC Ltd. techuan an CSR Fund hmangin DC Mamit te nena tangkawpin 11 Mobile Laboratory, 4 EECO Ambulance, 3 Refrigerator te chu dawn a ni. Nau neihna room siam that hna chu kalpui mek niin, hemi sak nan hian Rs. 20 lakhs dawn a ni bawk.  Nau nei zawng zawng chu 264 niin , nau chunga thi an awm lo a, mahse nausen thi erawh 1 a awm thung.  True Nat Lab COvid-19 test-na chu 15th September, 2020 atang khan neih tan niin, test 858 neih tawhah Covid-19 vei mi 24 hmuhchhuah an ni. OST bik a tana Doctor pawh November, 2020 atang khan neih tan a ni. District Hospital hian an hnathawh that avangin lawmman Best Team Work leh Special Award for Mera Aspataal chu Kayakalp, LaQshya hnuai a National Quality Assurance Standars (NQAS) hnuaiah Hospital Labour Room te chuan dan zawm tha ber lawmman dawn a ni. Health Minister chuan khum 100 awm theihna sakna tur Dt. 12th December, 2020 khan District Hospital IPD Block-ah Lung a phum a. He hnathawhna atan hian Rs. 17.93 cr chu Power Finance Corporation Ltd. te CSR funding atanga dawn a ni.

District Institute of Education and Training  (DIET) hnuaiah D.El.ED (Pre-Service Teacher Education) zirlai mi 23 te chu Mamit DIET atang a pass chhuak tawhin tun dinhmun ah hian zirlai 83 neih mek a ni. NISHTHA hnuaia zirtirtu leh Head Teacher zawng zawngte training pek chu 2020-2021 chhung hian neih niin, tunah hian training Phase 2 chu zawh fel tawh a ni.
 
 District Industries Centre  (DIC) chuan PMEGP hnuaiah project 45  atan loan dilna Rs 140.09 lakh man hu chu lo lut tawh a, project 1 ah 49 lakh pel lo in District chhung a bank hrang hrangah thehluh a ni.

District  Panchayat Resource Centre (DPRC) hnuaiah Mamit District chhunga Village Council hrang hrangte tan training kalpui thin a ni.

Economics & Statistics Department chuan April 2019 atanga December 2020 thleng khan Birth Certificate 596 leh Death Certificate 23 an pechhuak a, heta tanga sum hmuh Rs. 8,04,700/- (Cheng Nuaih riat, sangli leh za sarih) chu Sawrkar sum bawmah chhun luh a ni.

Mamit District chu International leh State dang nena inrina a awm a nih angin Zu leh Ruihhlo tawlhrukna hmun remchang tak niin Excise & Narcotics Department, Mamit chuan kum 2020 chhung khan ngawrh lehzuala do a ni a,  Mamit khawchhung bakah District chhunga hmun kilkhawr ber ber ah te duty neiin a tlawh kual thin a ni. Kum 2020 chhungin The Narcotic Drugs & Psychotropic Substances Act 1985 leh The Mizoram Liquor Prohibition Act 2019 te hnuaiah Case 293 (Total cases Registered) ziahluh a ni a. Mi 285 man an ni bawk a ni. Country Liquor (Rakzu) litre 1343,Fermented Rice (Zu bilh lai) Tin1068, Utensils (Bungbel)121, Yeast (Dawidim) kg.4,IMFL (750 ml) bot.11,Heroin gms. 47.31, Ganja gms.833, Ganja (plantation) kung 3270, Codeine bur 432, Lorazepam/Diazepam mum 2054, Tramadol mum 289, Vehicle (LMV) 3, Vehicle (2 Wheelers)14, Sales Proceed Rupees 200/- leh Compounding Amount (MLP dan bawhchhia a hmuna pawisa chawitir) Rupees 1,00,000/- te man an ni bawk a ni.
 
Fisheries Department Mamit District chuan Blue Revolution Scheme atangin  kum 2020 – 2021 chhungin pawisa Rs. 44,02,800 hmuh a ni a, Tuikhuah thar 1.6 Ha. azau siam nan mi 8 hnenah Rs. 6,04,800 pekchhuah a ni. Sangha note khawi lenna tur (Rearing Pond) 6 Ha. azau siam nan mi 30 hnenah Rs. 20,88,000 pek chhuah a ni. Waterlogged area 2 Ha. azau siamna tur atan mi 5 hnenah Rs. 5,40,000 pekchhuah a ni.  Sangha khawitute thlam sak tanpuina tura tan mi 10 hnenah Rs. 11,70,000 pekchhuah a ni a.Sangha note siamchhuahna Hatchery atan Rs. 15 lakhs hmuh a ni a. Saithahah hmalakna kalpui mek niin RKVY-RAFTAAR Scheme hnuaiah Rearing Pond 2 Ha. azau siam nan mi 2 hnenah Rs. 1,20,000  pekchhuah a ni bawk.
 
Forest Department, Mamit te chuan Ram vah chereu tawh 80 ha. azau-ah thing phun chhuah vek a ni a, Mizoram-a a vawi khatna atan Primary Wood Based Industries Licence pali(4) leh Secondary Wood Based Industries atan License pathum (3) chu December, 2020 khan pek chhuah a ni.

Govt. Mamit College tan
Schedule Tribes Girl’s Hostel (mi 24 awm theih na )chu NEC hnuaia Social Welfare Department tangkawpin sak zawh a ni a, Minister, Social Welfare Dept., Govt. of Mizoram Pu Dr.K Beichhua chuan ni 7th October, 2020 khan a hawng. RUSA hnuaia sak Academic Building leh Library cum Seminar Hall te hi Minister, Higher & Technical Education Dept., Govt. of Mizoram, Pu Dr. R.Lalthangliana chuan ni 12th December, 2020 khan a hawng a ni.
 
Health and Family Welfare Department Mamit District hian hriselna kawngah hma a sawn ve zel a, DC hmalakna leh thahnemngaihna avangin  Aspirational District kan nihna denchhenin RECL atangin Bolero Camper 11 leh Ambulance 4 lai dawn a ni a, Hero Motocorp Company atangin first responder bike pali (4) dawn a ni bawk a ni. Health & Wellness atan Sub-Center sak zawh tawh leh sak lai mek engemawzat a awm bawk. RSBY, Healthcare scheme hnuaiah enrollment kalpui zawh tawh a ni. Malaria lamah pawh kan District hian hma kan sawn hle a, kum hmasa 2019-ah malaria vei 1913 an awm laiin 2020 chuan malaria vei pawh an tla hniam hle a, Malaria vanga boral 2020 chhung khan kan District-ah an awm lo a ni. Kum 2020 chhung khan kan District chhungah thosilen 49212 sem a ni bawk a ni. Free clinic hmun 51 neiin inentir zawng zawng zat chu damlo 4127 an ni. TB veite tihdam zat pawh 85% target a ni chungin 100% tihdam an ni.
Mamit District hi District hnufual zing ami anih avangin, nu leh naupang hriselna kawngah nasa taka hmalak a ni. Kum 2019-20 chhung khan dawmdawiin a nau piang 848 (65.5%) awmin April 2020-Dec 2021 chhung hian damdawiin a nau piang hi 718 (66%) a ni mek a ni. Covid - 19 hrileng mekah mi 5649 test neih sak tawhah, COVID-19 vei mi 82 hmuhchhuah niin COVID Care Center ah enkawl an vek a ni.
 
Horticulture Department chuan Mission for Integrated Development of Horticulture (MIDH) Scheme hnuaiah hma a la mek a, AES Dragon Fruit hnuaiah Unit 40 neiin Zawlnuam, Lengpui, Rawpuichhip leh Mamit khua-ah te cluster a chintir an ni, a ban phunna turin Rs.60,000/- (cheng singruk) bakah thlai chaw leh Equipments te beneficiaries hnenah pek vek an ni.
Individual Water Tank - 20 Nos. ( Rs 90,000/- per tanky ) huan nei tha te hnenah pek an ni a, Community water tank pawh Nalpui Zau, Kawrtethawveng leh Lawngzawl Ram Lengpui ah Nuai 12.5 man ve ve farmers te tan siamsak a ni. Protected Cultivation of Greenhouse hnuaiah Tubular Green House 18 Nos. Kawrthah, Rawpuichhip, Reiek leh Mamit ah te installation tih tawh a ni.

Land and Resources, Soil & Water Conservation Department NABARD  funding  atangin Private Rubber Plantation (1) Rengdil 200 Ha. – On going
(2) Kanghmun 20 Ha. – On going ah te siam a ni.
 Rubber chingtute tan Rubber Rolling Machine chhungkaw 22 hnenah semchhuah a ni a, Rubber hnaina hmanrua set kim chhungkua 83 hnenah sem a ni bawk. Rubber ur rona (Smoke house) 4 sak zawh tawh a ni bawk.

Local Administration Department hnuaiah 1st Mizoram State Finance Commission Grant (MFC) 2019-2020 1st & 2nd Installment-ah Mamit District chhunga VC te’n an khawtlang hmasawnna hna an thawh nan 1st Mizoram State Finance Commission Grant 2019-2020 1st  Installment atangin 92.649 lakh leh 2nd Installment ah 153.780 lakh dawn niin, VC te hnenah Bank Account-ah thunsak an ni a. He pawisa hmang hian Step, Retaining Wall, Approach road, PCC& RCC pavement & flooring, Community Hall repairing, Bazar Shed, Wooden Bridge leh internal road etc te siam a ni.

Land Revenue and  Settlement Department hnuaiah LSC (Land Settlement Certificate) pass 16 issued a ni a. LSC neitu hming thlaksak zat : 30 nos.
House Pass pekchhuah zat: 19 nos. Periodic patta pekchhuah zat: 1 nos. Land Dispute Case disposal (ram buai chinfel 1 nos. Renewal of Periodic Patta ( Periodic Patta renew zat): 23 nos. LSC Mortgage( Loan puk nana LSC dahkham zat): 17 nos. Stamp and Registration atanga sum hmuh zat: Rs.2,65,475/- . Non Tax Collected(P.patta renewal/mutation of P.Patta or LSC/ fee, etc Rs 1,92,628/-,  Amount of tax Collected (from LSC, House Pass, P.Patta, Shop or Stall etc. Rs 650,297/- dawn a ni.
 
Mizoram KVI Board, Mamit chuan Prime Minister Employment Generation Programme ( PMEGP) Scheme hnuaiah Application 28 nos. dawn a ni a, Bank lamah 26 pek chhuah niin 2 chu in withdraw leh a ni.

 Mizoram Rural Bank chuan mipuite hamthatna atana central Sorkar Scheme hrang hrang kaltlangin hma ala a. Kum 2020-2021 chhungin subsidy awm Sorkar Scheme Loan kan tih zingah Self Help Group (SHG) 14-te hnenah Loan pek chhuah niin, PMEGP Loan 17 leh Pradan Mantri Awas Yojana (PMAY) Loan mi 34 hnenah pek chhuah tawh a ni. PMMY (Mudra) Loan leh DAY-NULM Loan te pawh mipuite eizawnna bul tan nan pek chhuah mek zel a ni bawk.
 
Public Health Engieering Department, Mamit Watsan Division chuan tui thianghlim hnianghnar tak kan neih theih nan hma an la zel a, Water Supply ( Under JJM) hnuaiah Functional House Tap Connection (FHTC) hi khaw 28-ah JJM hnuaiah sanctioned a ni a, khaw 19-ah zawh tawh a ni a. Khaw 9-ah hnate hi la thawh mek a ni. Individual Household Latrine (IHHL) siam hna 1000 (sangkhat) zawh tawh a ni. Community Sanitary Complex 12 (sawmpahnih) siamthat hna thawh zawh tawh a ni bawk.

Mamit Power Division hnuaiah hna kal mek leh hna thawh lai engemaw zat a awm mek a. Integrated Power Development Scheme (IPDS) hnuaiah Zawlnuam leh Mamit khawpui chhungah hna thawh niin Bairabi atanga West Phaileng Mamit kaltlanga 132kV single circuit line, West Phaileng leh Marpara hmunah te 2x12.5MVA 132/33kV Sub- Station siam hna leh Sub-Station pahnihte 132Kv Line thlunzawmna atan 132kV Line W.Phaileng to Marpara thawh mekte bakah NESID leh DDUGJY Scheme hnuaia District chhung Power Infrastructure tihchangtlun mek leh thuamthat mekte a tarlang.

PWD (Highway) te'n Mamit District chhunga National Highway 44 'A' km 103.618 a thui kawng siam hmalakna kalzelah 90.02% zawh fel tawh a ni a. Dialdawk 30m a thui siam zawh niin Daplui-a lei dawh pawh zawh tep ni. Teirei lui a 60m a thui lei chu siam mek niin Langkaih lui a mi tur hma la lak tura dah a ni a. Lengte by Pass road, NH '44' Lengpui Airport Road zuk pawhna 5.135km a thui pawh zawh fel tawh a ni. PWD (Project) pawhin SEDP hmangin Mamit khawpui chhung kawngpui, W.Phaileng khaw chhung kawng, W. Phaileng to Marpara Road bakah Marpara Internal Road siam that hna an thawh bakah PMGSY hnuaiah Mamit-Phaizau Road, Kawnmawi - Chhippui Road, Phuldungsei - Parvatui Road, Tuipuibari - Andermanik Road, Andermanik - N. Belkhai kawngte siam a ni bawk. Hei bakah hian Tuipuibari leh W. Kawnpui inkar kawng siam that leh tih zauh hna kalpui mek a ni bawk.

Police Department, Mamit chuan Kum 2020-21 chhung hian dan kalh a silai tawlh ruk 30 leh a mu 7894 leh Magazine 28 man a ni a. Heroin (No.4) Gram 12.13, a hlut zawng Rs.63,050/- leh Ganja 3 Kgs, a hlutzawng Rs.27,000/- te leh a neitute mi 7 man a ni bawka. Dan angin an chungah action lak a ni. Law and Order kenkawh kawngah Covid19 hripui leng darh zel tur ven nan Mamit District pumpui ah Police force mi 460 te March 2020 atang khan chum lo chat lovin Border-ah te, Quarantine Centre leh Khaw chhung hmun hrang hrang ah te sorkar thupek keng kawh turin duty tir a ni  dan bawhchhia mi 3054 te chu pawisa chawitir an ni a. Sum chawitir hi avaiin Rs.2,43,700/- (Cheng nuaihnih sing li sang thum leh zasarih) a ni. New Kawnpui:- Ni 18.04.2020 khan New Kawnpui-ah Covid-19 hrileng avanga IR Bn. duty-te chu Chakma thalai rual then khat ten kut an thlak avangin chi leh chi inkarah buaina nasa tak chhuak thei dinhmun ah dingin boruak a sosang hle hman a. Amaherawhchu rang taka Police Force-te a hmunah tirh luh niin a hmunah ngei duty zui tir an ni a. A hun taka hmalak anih avangin boruak thalo zawk chhuak turte hmehmih a ni. Dt 9.10.2020 khan Karimganj District, Assam lam Official-te Thinghlun khaw ram chhungah dan kalha lo lutin Thinghlun khaw mite huan thlai an suasam chiam bakah thlam pakhat an hal bawk a. He thilthleng hi hriat anih veleh 4th IR Bn. te rang takin a hmun ah tirh nghal a ni a. Buaina lian zawk chhuak zui tur pawh pumpelh a nizui ta bawk. CAPF te Thinghlun-ah hian dah chhunzawm an ni ta bawk a ni. Tripura nena kan inrina Zampui Phuldungsei leh Thaidawr Tlangbawr vela buaina chhuak avangin Police Force te a hmunah dah nghal a ni a. Buaina lian tham chhuak lova hmeh mih theih a ni ta a ni.
 
Ram venhimna lamah 4th Bn IR chuan Rengdil khua-ah Battalion mi leh sa te awmna tur RCC Building engemawzah sak hna thawh mek a ni. Highway atanga 4th IR Bn. Camp pan chhohna kawng 520 metre a thui chu PCC hmanga siam zawh a ni. 4th IR Battalion Main office Building tur Bn. Hqrs. Luangpawl sak hna thawh mek a ni a. District chhunga BOP te thawmthat hna thawh mek a ni a. 4th IR Bn. mi leh sa Platoon khat Bihar Legislative Assembly Election duty tura tirhchhuah a ni a.  Company hnih (2) chu Mizoram leh Assam inkara ramri buai a awm avangin Law & Order duty turin Vairengte leh Thinghlun khua ah tirhchhuah an ni a. 4th Bn hmunpui Mamit Luangpawlah Tuidahkhawlna, Staff Quarter leh Parade Ground- te chu cheithata sak thar a ni bawk. Fit India Movement chungchanga lehkha hmuh bawhzuiin Bn. mi leh sa te'n Health Check-up Bn. Hqrs., Luangpawlah  ni 23-25.9.2020 ah neih a niin ni 4.12.2020 ah HIV Screening drive chu  Bn. Hqrs.Luangpawl-ah  District Hospital, Mamit leh MSACS, Mizoram te nena tangkawpin neih a ni.
 
Zirna lamah Samagra Shiksha hnuaiah hmalakna hrang hrang kalpui a ni a. Project Approval Board 2020-2021 in a phal angin Gov’t Higher Secondary School Mamit- ah Commerce stream hawng thar tura hmalak mek a nih bakah PAB 2020-2021 in a phal angin Silsury khua-ah High School i.e Silsury Secondary School hawn ani a, MBSE hnuaiah Affiliation bawh zui mek a ni. Naupang rualbanlo sikul kal rualte sikul ah an kal ve ngei theih nan naupang 239 (i.e 29- High School leh 210 Elementary School) hnenah stipend kum khat chhung atan Rs 2000/- theuh pek an ni a. Mid Day Meal, Covid -19 hri leng avanga sikul hawn theihloh ni mahse naupangin chhunchaw an dawn ngei theih nan MDM hi sem reng a ni a.  Sikul 277- a naupang 15209 te hnenah August 2020 thleng atan pek an ni tawh. Transformation of Aspirational District ( TAD) hnuaia RECL atanga tanpuina dawn atangin Primary School 142 leh Middle School 103 ah Tuizem (2000 ltrs) pek an ni a. Sikul 144- ah (100 Elementary school leh 44 Secondary School) Water Filter (15 ltrs) pek an ni a. Elementary school hrang hrang 170 ah Green Board 503 pek an ni. Elementary School 170 ah Bench leh Desk 843 (pair) pek tur a ruahmanna kalpui mek a ni a, sikul hawn veleh pek mai tur a tihfel ani bawk.
 
Kum 2020 -2021 chhungin Sericulture Department Mamit chuan sector hrang hrang i.e Mullberry, Muga leh Eri ah chak taka hmalak chhoh mek a ni, Project kal lai Development of Sericulture for the upliftment of Aspirational District Mamit kaltlangin chhungkaw tam tak eizawnna kalpui mek a ni. Development of Ericulture for the Upliftment of Aspirational District Mamit(N.E.R.T.P.S) hnuaiah hmalakna kalpui a ni a. Beneficiaries 500 awmin chung zinga beneficiaries 400 te chu a thar an ni a. Maintenance/Rejuvenation atan pawisa pek an ni. Mi 70 Adopted Seed Rearers(ASR) quality seed cocoon thar chhuak tur bik thlanchhuah an ni a, Mi 14 private graineurs tura thlanchhuah an ni a,  natna kai lo pangngang chi(disease free laying) commercial rearers te tan an siamchhuak ang. Kum liam ta-ah khan hri vangin hmalak hleih theih a nilo a, tunah hian SOPs inkaihhruaina dan zawm chungin ASR, Sericulturists leh grainers te training neih pui tum a ni. Farmer leh Government seed farm hnuaia Mamit District production neih dan chu hetiang hi a ni.
i) Mulberry Reeling Cocoons  :  754.2 kgs
ii) Muga Seed Cocoon  :  6564 Nos
iii)Muga commercial cocoon    :   1544 Nos
iv)Eri cut cocoon  :  364.589 kgs
v)Eri seed cocoons   :64250 Nos
 
Taxation Department, Mamit Zone chuan sorkarin dan hrang hrang a siam hmangin sorkar tana Kum 2020 – 2021 Financial Year (30th November 2020) chhunga chhiah (tax) a hmuh zat chu hetiang hi a ni. 1)State Goods & Serviceces Tax - Rs. 116,06,399/=                    2) Profession Tax  -  Rs.    44,79,232/- avaiin Rs.  160,85,631/=
(Cheng Nuai Za leh Sawm Ruk Sing Riat Sang Nga Zaruk Sawmthum leh Pakhat) a ni. Tunah hian Taxation Department Mamit zonal Office building thar hi Mamit Dinthar Veng ah sak mek a ni.
 
Urban Development Poverty Alliaviation Department ( UD&PA) hnuaiah Pradhan Mantri Awas Yojana-Housing For All (Urban) (PMAY-HFA)
PMAY-HFA (Urban) scheme Beneficiary Led Construction (BLC) kaltlangin mirethei insak tanpuina Mamitah mi 482 leh Zawlnuam khua ah mi 231 an vaiin mi 713 1st instalment Rs. 60,000/- theuh  Rs. 4,27,80,000 /-( Cheng Vaibelchhe li nuaih sawmhnih pasarih leh singriat) semchhuah tawh a ni. PMAY-HFA (Urban) scheme hnuaiah khawpui a cheng te tan Credit Link Subsidy Scheme (CLSS) hnuai atangin mi 78 te hnenah Loan Bank kaltlang in pek a ni tawh a ni. Hei bakah hian UD&PA hian Central Scheme hrang hrang hmangin hmalakna a kalpui mek zel a. Non- Motorized Tranport hnuaiah Pedestrian Footpath Rs 35,00,000( Nuaih sawmthum panga) sengin Mamit khawpui hmum hrang hrangah siam a ni.

Khuallian chuan Mamit District-in hmasawnna kawngah thui tak ke a pen tawh a, Thalai lehkhathiamten eizawnna kawnga hlawhtlinna an neih theih nan ruahmanna tha siam a, an thiamna leh finnate Mamit District tana hmang tangkaiin sawrkar tha tichaktu nih tum theuh turin a sawm a. Hripui leng karah mipui, pawl hrang hrang, kohhran leh sawrkar hnathawkte thawhhona chu lawmawm a tih thu sawiin Frontline Workers a bikin Health Department thawktute, Police, VLTF, DM Volunteers, Sanitation Workers leh Covid - 19 vanga duty hah em em te chungah lawmthu a sawi a ni.  

India Repubic Day vawi 72-na lawmna neihah hian Parade Commander hi SI. Lalngilneihthanga a ni a. Cleanliness Competition, 2020 lawmman semna neih nghal niin Veng fai inelnaah pakhatna Bazar Veng, pahnihna Luangpawl leh pathumna Chhimvengte an ni a. Sawrkar Office fai inelnaah pakhatna District Court Mamit, pahnihna District Child Protection Office leh pathumna Public Works Department, Mamit te an ni. Republic Day lawmna hunah hian hrileng avanga punkhawm phal chin mi sawmbikte chauh an tel a ni.

Republic Day, 2021 pual hian DC Bangla-ah 'At Home' buatsaih a ni a. Khuallian hian Mamit khawpui chhunga Home hrang hrang leh District Hospital-te tlawhin thilpek a hlan bawk a ni.