4160/2025-2026

Dated : Mamit the 26th of January, 2026 : Vawiin khan India Republic Day vawi 77 na chu GSA Playground, Mamit-ah ropui taka hman niin, Khual lian Pu K.Laltlawmlova, District Bawrhsap chuan hnam puanzar pawtpharhin parade contingents 13 te hnam puanzar chibai buk a chhanglet.

Khual lian chuan India Republic Day - 77 na lawm tura kalkhawm mipuite chibai bukin, India ramin mahni ke a ding tura zalenna a neihna ni champha ah hian mitin intluktlanna, zalenna, inunauna leh inpumkhatna ram ni tura danpui lo duangchhuak, ram hruaitu hmasate zahna chibai kan buk a, kan ram rorelna leh kalphungte hluta, humhim tur leh tichaktu ni zel turin kalkhawmte a sawm bawk.

Khual lian chuan Mamit District chhunga Sawrkar hmasawnna hna a thawh tawhte leh kal mek thenkhatte tarlangin Hriselna kawngah Mamit District Hospital pawhin hma a sawn zel a, District Hospital bakah PHC pasarih (7) te chu National Quality Assurance Standard certified ni tawh in CHC leh PHC dang te pawh NQAS certification an neih theih nan hmalakna kalpui mek a ni bawk a ni. Mamit District chhungah hian Sub-centre 39 zinga 31 te chu Health & Wellness Centre a hlan kai an ni tawh a ni. Malaria dona kawngah pawh theihtawp chhuah niin kumin chhung Malaria positive 860 hmuhchhuah niin chung zingah chuan malaria Pf vei mi 269 awmin malaria PV vei mi 592 an awm a ni. Kum 2025-26 chhung hian nu naupai 888 awmin heng zingah hian nu naupai 684 te chu 1st ANC a in register an ni. Damdawiin leh Sub-Centre ah nau piang 387 an awm a ni.

District Hospital, Mamit a Department paruk(6) - Accident & Emergency, Labour Room, Pediatric Ward, Laboratory, Radiology leh Blood Bank techuan May,2025 thla khan National Quality Assurance Standard (NQAS)hnuai ah“National Quality Certification” an dawng ani NHM-PMSMA hnuai a thla tin ni 9 na zel a Naupaite tana free investigation tihsak thin chu, Mamit District Hospital ah chuan Mother and Child Protection(MCP) Card nei tan chuanan naupaichhung in free a thisente test sak an ni. Naupai ten Sub-Centre level ah MCP Card neiturin registration/check up an neihma in an neih that phah ani. Mizoram Universal Healthcare Scheme(MUHCS) hnuai ah damlo admit zawng zawng (62%) te'n a thlawn in in enkawlna an dawng bawk a ni.

Zirna kawngah School Education Department, Mamit District hnuai a hmalakna hrang hrangah hmasawnna a lang zel a, SASCI (2024-25) hnuaiah Rs. 3,86,56,936/- ( nuaih zathum sawmriat paruk, singnga sangruk, zakua sawmthum leh paruk) hmangin teachers quarter pariat sak mek a ni a, State Disaster Response Fund atangin school thawmthat bakah Cyclone Remal tuar schoolte chawmdawlna Rs 39,10,000/- hmuh hmangin school 42 sak that a ni bawk.Mizoram Secondary School Games 2025 a neih zawh takah Mamit District atangin Athletics, Javein ah te Gold leh Silver dawn a ni a, Shotput, Football leh Taekwando ah Bronze 4 (Pali) hlawhchhuah a ni a, Mid-Day Meal (PM Poshan) tha taka kalpui niin sawrkar hnuaia elementary school zawng zawngte Zirlaibu a thlawna pek pek vek an ni bawk. Govt Mamit College chuan Pradhan Mantri Uchchatar Shiksha Abhiyan (PMUSHA) Gender Inclusive & Equity Initiative hnuaiah Girls Hostel, Girls Common Room, Sports Ground, Basket ball leh Volley ball ground siam mek a ni. PWD Mamit Division hian kawng 273.80 Kms a thui a enkawl mek a, NABARD hnuai ah “Strengthening and Improvement of W. Phaileng to Marpara” hna 72.34% zawh tawh a ni a. Heng bakah hian SASCI hnuaiah Restoration of Damage due to Cyclone Remal Under Mamit Division hna June 2025 atanga thawh tan chu 98% zawh tawh a ni bawk, PMGSY hnuaiah Mamit District chhung inkalpawhna kawng hrang hrangte thawh mek a ni. Power & Electricity Department chuan eng chawkluh leh thawmthatna kawngah hma ala mek a, Construction of 132kC Single Circuit Line on Double Circuit Tower from Bairabi to West Phaileng via Mamit chu Forest Clearance atan May, 2025 thla tawp khan pawisa pek fel niin a hna hi 25 July, 2025 khan zawh fel a ni a. Tunah hian hman mek a ni tawh a ni. Mamit Watsan Division PHED hnuaiah NESIDS kaltlangin Kum 2025-2026 chhung hian Augmentation of Greater Mamit Water Supply Scheme Part – II (Clear Water and Distribution System) a thawh mek 90% thawh zawh tawh a ni. March 2026 hian Trial Run neih hman ngei tum a hmalak a ni. AMRUT (2.0) Mamit Khawpui tui lak mekna Pumpline chhe zual lai 2km a thui thlakna tur 75% thawh zawh tawh a ni. SASCI sum hmangin Cyclone Remal-in chhiatna hrang hrang a thlen siam thatna a ni a, Swachh Bharat Mission(Gramin) hnuaiah ekin nei lo te khaw hrang hrang ah ekin 1202 sak a ni a.

District Rural Development Office hnuaiah MGNREGA kaltlangin District chhungah Job Card 24794-a awm mek a, Mipuiin hlawhna ni 88 pek tawh niin, ni 100 inhlawh thei tura chak taka hmalak chhoh mek zel a ni bawk.

Mamit Forest Division hnuaia kum 2025-2026 chhung November, 2025 thleng a Forest Revenue hmuh Rs. 11,40,115/- (Cheng nuai sawm pakhat singli za sawm panga) a ni.

Loneitute tih hmasawnna Agriculture Department kaltlangin RKVY- Soil Health & Fertility Scheme hnuaiah Soil Health Card chu December 2025 thleng khan 1800 semchhuah tawh a ni.District chhung khaw 27 ah Oil Palm seedling 66,948 leh Oil Palm lawhna hmanrua a chingtu mi 338 hnenah semchhuah a ni bawk. Animal Husbandry & Veterinary Department hnuaiah Ran damlo enkawl zat – 4914 niin, Ran hridanna pek zat – 615 a ni bawk a. Ran kah rai (AI) hi 135 a ni bawk a ni. African Swine Fever (ASF) vanga Vawk chan chhungkua 11 (21 nos. Vawk thi) hnenah zangnadawmna cheng singriat sangli (Rs. 84,000) pek an ni. Chief Minister Special Package hnuaia chhungkaw sawmpathum(13) hnenah pawisa pek tawhte an sum hman dan inspection neih vek a ni. Handholding (bana Kaih) Scheme 2nd Phase ah AH&Vety Department hnuaia diltu te inspection neih vek a ni tawh bawk.

Co-operation Department hnuaiah Registered Cooperative Society 124 kan nei mek a, heng zinga 3 te hi kumin chhunga register tharte an ni. Farmers ten an hnathawh nana awlsam taka loan an lak theihna tur(M-Pacs) 14 kan neih hnuaiah Credit activity (Bank tenau) khawih hi panga (5) a awm mek a, heng zinga M-Pacs pahnih (2) te hian banking operation tih nan computerization a thuam an ni tawh a, Fisheries Department kaltlanga PMMSY Scheme (2024-2025) hnuaiah Rs. 25,20,000/- (Nuai sawmhnih panga sing hnih) hi Construction of New Rearing Pond atan beneficiaries 30 hnenah sem a ni.
Sangha chaw 110 quintals, Rs. 3,24,500/- (Nuaithum sing hnih sang li zahnga) man hu vel chu PMMSY Scheme (2024-2025) sangha khawi a eizawngte hnenah 50% subsidized rate a sem a ni.

District Child Protection unit hnuaiah Child Care Institution pathum Buannel, Joshua's Children Home leh Mamit Observation Home te enkawl mek a ni a, Child Welfare Committee chuan naupang 66 te chungchang ngaihtuahin, JJB hnuaiah naupang 25 chung thu rel fel a ni bawk.

Deputy Commissioner Office, Mamit hnuaiah Aspirational District Programme (ADP) kaltlangin hmasawnna hna hrang hrang thawh a ni a, he programme kaltlang hian India ram pumpuia inelnaah a titha pawl kan nih avangin 19 crore man hu project kan dawng tawh a, lawmman dawn tur Rs. 2 crore leh Rs. 3 crore hmuh belh leh a ni bawk. Kum 2024 -2025 Sampoornata Abhiyan (Saturation Campaign) ah Aspirational Distict zinga Copper medal leh Aspirational Block zingah Bronze medal kan la bawk a ni. Hei bakah hian nikum 2-Dampa(ST) AC Bye Election hmachhawn zawh takah Model Code of Conduct and Enforcement ah India ram huapin Best District Award dawn a ni bawk a ni. Kan ram leh hnam hmasawn zelna atana tan la thar leh turin Sawrkar Officials te bakah tlawmngai pawl, khawtlang hruaitu leh mipui zawng zawngte ka sawm a che u.

Vawiin India Republic Day hmanna ah hian Parade Commander hi Inspector Vanlalruata, 4th IR Bn.Mamit niin 2nd Commander hi Inspector K. Lalhermawia, 4th IR Bn. Mamit a ni, Parade Continents hi Armed Continents Pakhat, Unarmed contingents pathum, School Contingents pakua an ni a, Samagra Pipe Band te'n kalrem music an tum a ni. School Contingents ah hian pakhatna Gov't Agape Middle School niin, pahnihna Presbyterian English School an ni a, pathumna DIET, Mamit te an ni. Unarmed Contingents-ah pakhatna 1 Mizo Bn. NCC, JNV an ni a, pahnihna 1 Mizo Bn.NCC, St Francis of Assisi School niin pathumna 1 Mizo Bn. NCC, Govt Mamit College te an ni.

Khual lian hian Republic Day puala buatsaih MOC Beautification Project, Mamit Field veng a mi chu hawngin, he ni pual vek hian Mamit District Hospital, District Jail bakah Mamit khawpui chhunga Home hrang hrang Buannel, Joshua's Children Home, Mamit Observation leh Shakti Sadan te tlawhin thilpek a pe a ni.