Tukin zing dar 7 khan India Republic Day 2012 chu Missionary Training College (MTC), Mission Vengthlangah Hnam puanzar pawtparha lawmna hun hman a ni a, Pu Lal Thanzara, Parliamentary Secretary to Chief Minister chu khuallian niin, he college zirtirtute leh zirlaite hma ah thu a sawi.

Pu Lal Thanzara chuan, “India sorkar chunga kan rinawmna hian kan hnam tan malsawmna a keng tih hi kan pawm thiam a hun hle tawh” tiin, sorkar laipui tanpuina sum leh thil dang kan dawn tam takte rinawm taka kan hman thiam a pawimawh thu a sawi.

Hnam dangte chunga kan rilru put dan tha lo te siam a hun tawh thu sawiin, Pu Thanzara chuan, Josepha rinawmna chuan hnam dang zingah hotu ah a siam a, a rinawmna avangin Pathianin Israel te  Aigupta ramah hausakna leh malsawmna a pe a ni, a ti. Hnam dang hmusit leh diriam chunga ram siam tumtute hian Pathian pawi an khawih thin tih an hriat a hun tawh tih a sawi bawk.

Republic Day lawmna a MTC a neih ah hian India ram pum tana tawngtaina leh inhlan tharna hun an hmang bawk a ni.