Vawiin khan I & PR Auditorium-ah India Water Week chu hawn a niin nikhat seminar ‘Hamara Jaal Hamara Jeevan’ (Our Water Our Life) tih thupui hmanga neih nghal a ni.
He inkhawm hi District Level Organising Committee on India Water Week 2015 buatsaih niin Dr. Franklin Laltinkhuma, IAS, Aizawl DC leh Chairman Organising Committee nibawk chuan he week hi a hawng.
Dr. Franklin Laltinkhuma chuan India Water Week hi 2012 atanga tan a niin kumtin thupui thlan bik neiin Workshop leh Seminar neih thin a nih thu a sawi a. Tui tangkaina leh a hna humhalh pawimawh zia mitinte hnenah hrilhhriat a tul thu a sawi bawk.
Seminar-ah hian thupui hrang hrang ‘Available Water Resources’- Er. K. Lalsangzuala, SDO, Minor Irrigation buatsaih te, ‘Water Demand/Use/Deficit’ – Er. Peter C. Lalchhuanmawia, EE PHE buatsaih leh ‘Need & Method of Water Conservation’ – Pu Laltanpuia Varte, District Officer, S&WC Department te buatsaih chu zirho a ni.
He Seminar thupui ‘Tui hi nunna leh dam khawchhuahna a ni’ in a tum ber chu tuihna tlan lai lei eiturte humhalh a vawn thianghlim; Mipui vantlang nunphung leh khawsak a nawlpuia siam that leh chawikan; Scientist te, Engineer te leh tui lam kaihhnawih Department te kaltlanga mipui zirtirna leh kaihhruaina pek; School leh Institution hrang hranga awareness pek; NGOs hrang hrang MUP, MHIP, YMA leh Village Council te hnenah tui humhalh leh ven kawnga thawhho dan ngaihtuah leh hrilh hriat a ni.
