400/2022-2023
Lunglei the 4th, May' 2022 : Vawiin khan India zalenna sualtu Pu Darthawma Renthlei (L), TAMRA PATRA Recipient, Chanmari Lunglei hnenah India ram zalenna kum 75 na ( Azadi Ka Amrit Mahotsav) lawmna kal zelah Deputy Commissioner Office, Lunglei chuan Pu Darthawma Renthlei (L) hriatreng nan Pu Kulothungan A, Deputy Commissioner, Lunglei in a chhungte hnenah chawimawina Certificate hlanna a nei.

Pu Darthawma Renthlei (L) Chawimawina hun hi Pi C. Lalduhzuali, SDO (S) Lungleiin kaihruaiin Pu Kulothungan A chuan India zalenna kum 75 lawmna kal zelah India sorkarin zalenna sualtu 75 thlanchhuah zingah Pu Darthawma Renthlei (L) chawimawi tura tel hi a lawmpuiin a chhuang hle a ni a ti a. Pu Darthawma Renthlei (L) chu India in zalenna a sualna kawngah nasa takin tha leh zung a seng a, Indian National Army ah telin India in zalenna a sualchhuahna ah a thawh hlawk hle a ni a ti, a inpekna leh huaisenna te kha thangthar lo awmzel tur ten kan entawn zel dawn a ti bawk.

Pu Darthawma Renthei (L) hi kum 1920 khan Pukpui khuaah a piang a. November ni 27, 1940 ah British Army a zawm a. Kum 1941 khan Malaysia a thawn zingah telin kum 1942 khan Japan leh British sipaite chu Prisoner of War ah man niin Pu Darthawma Renthelei (L) pawh hi a tel a ni. Jail atanga a chhuah hnuin Indian National Army a zawm a, man niin kum 1946 ah chhuah zalen a ni. India ramin zalenna a hmuh hnuah Freedom Fighter of India ah pawm a ni a. India zalenna sualtute tana siam Tamrapatra Award chu August ni 15, 1973 khan hlan a ni bawk. Pu Darthawma Renthlei (L) hi Lunglei Chanmari ah a nupui fanau te nen chengin July ni 21, 2019 khan a boral a ni.