399/2022-2023
Aizawl 4th April 2022: India zalenna kum 75-na lawmna Azadi ka Amrit Mahotsav (AKAM) kal zelah North East Festival chu hmarchhak state tinah neih a ni a. Vawiin khan Guwahati-ah Shri Ram Nath Kovind, President of India hovin North East Festival kharna inkhawm neih a ni.

Chawhma lam programme hi Union Minister of Tourism & DoNER Shri G Kishan Reddy ho in neih a ni a. State hrang hrang Chief Minister leh Minister te an tel kim hle. He hun ah hian Union Law Minister Shri Kiren Rijiju leh Union Minister of State for DoNER Shri BL Verma te pawh an tel a. North East hmasawnna tur programme hrang hrang duan chhuah chu Ministry of Tourism atang te, Ministry of Agriculture, Ministry of Civil Aviation, NITI Aayog atang te in ngaihthlak leh sawi ho a ni. Central Sawrkar chuan North East state tinah thla tin Minister te zin tura a tirh thin avangin North East State te pawhin hmasawnna tam zawk an hmuh a beiseiawm thu te sawiho a ni.

He Programme ah hian Pu Robert Romawia Royte, Tourism Minister pawh telin, Mizoram atangin official engemaw zatin an tawiawm a ni.

AKAM North East Festival hi tlai lam ah President in Srimanta Sankardev Kalakshetra a program buatsaihah a khar a. Hemi hun ah hian North East State atanga Chief Minister leh Minister te an tel kim hle. Assam Governor Prof Jagdish Mukhi, Assam Chief Minister Dr Himanta Biswa Sharma, Union Minister for Ports Shri Sarbanand Sonowal bakah Union Law Minister Shri Kiren Rijiju ten an hmanpui a ni.