Thenawm ramte nena insumdawn tawnna tha siam tura hmalakna atan Indian Chamber of Commerce chuan ni 13 - 18 September, 2010 chhung hian Yangon, Myanmar-ah north East India Myanmar Trade & Investment Conclave a buatsaih dawn a, Myanmar sorkar hotute kawm bakah united Myanmar Chamber of commerce & Industry-te huaihawta ram pahnihte insumdawn tawnna tur inhawng zel chungchanga investor-te inkawmhona hun hman tum a ni bawk. Inkawmhonaah hian Commerce & Industries te, Border Trade te, Health Care, Power, Agriculture & Food Processing, Forests, Tourism, Higher Education leh infrastructure chungchangte sawiho tura ruahman a ni. Heta tel tur hian ICC chuan Chief Minister Pu Lal Thanhawla chu an rawn sawm a, amaherawhchu a hman remchan dawn loh avangin he programme pawimawh taka tel tur hian Chief Minister chuan Trade & Commerce Minister Pu Lalrinliana Sailo leh  Parliamentary Secretary Pu Lal Thanzara te chu a ruat a ni.