Vawiin chawhnu dar 1:00 khan FCS&CA Secretary Pu K. Riachho, IAS hovin Sub-Committee on Quality Control of Cement leh cement dealer hruaitute chu cement tha zawk hralh chhuah a lo nih theihnan leh cement man sang lutuk tihhniam theih dan zirchiangin an thukhawm a. He sub-committee meeting chuan cement man to chhan te chiang zawka hrechiang turin Mizoram a cement rawn supply tu cement factory te a hmunah a rang lama tlawh a rawt a, thu leh awm hma chu cement zuar tute pawhin mipui harsatna hrethiam in cement manah tawlh hniam rem an ti tlang.
Secretary kaihhruai committee chuan cement man lo to chhan pakhat chu Supreme Court ruling in Load Limit a siam tak avang ah angai a. Hemi piah lamah hian Cement Factory ten Mizoram an dealer te an rawn pekna rate chu dan pangai aiin a sang zawk nia a lan avangin an factory ah zu zirchian ni se. Factory te a hmun a zu tlawh tur hian Sawrkar official te leh consumer union hruaitute bakah cement dealer hotu te pawh tel ve nghal se ti in thutlukna siam a ni bawk. Sub-Committee chuan sawrkar building saknan cement quality tha zawk hman a lo nih theih nan contractor te pawh in Carrying and Forwarding (C&F) Agent te kal tlang ngeiin cement la ve tawh se tiin rawtna a siam nghal. Cement dealer hotute kal khawm pawh in sawrkar ngenna leh mipui hma khua ngaiin tuna an cement hralhna rate hman mek a tangin tawlh hniam an rem ti tlang a. Inremsiamna ang chuan TopCem bag 1 man Rs 415 atangin Rs 410, Best Cement, Valley strong leh Star Cement te Rs 420 atangin Rs 415 ah thuleh awm hma chu tih hniam a ni.Vawiin meeting ah hian sub-committee member te bakah Cement Dealer te leh C&F Agent te an tel.
