Vice Chief of Army Staff kal chhuak ta Lt.Gen M.L Naidu PVSM, AVSM, YSM leh a nupui Pi Neeharika Naidu te chuan Aizawl rawn tlawhin nizan khan Vanapa Hall-ah Pi Neeharika Naidu hian Indian classical music leh Hindi hla chi hrang hrang hmangin concert a nei a. He concert hi Governor Lt.Gen (Rtd) M.M.Lakhera PVSM, AVSM, VSM leh Chief Minister Pu Lal Thanhawla te nupa bakah minister dangte leh Assam Rifles hotu lian te, sorkar mi pawimawh leh rimawi ngainatu mi thahnem takin an telpui a ni.
 
 

Neeharika Naidu hi Indian vocal classical music ah Gold medalist niin T-series leh recording company hrang hrang ah album engemaw zat a siam tawh a. All India Radio-ah accredited artiste niin India ram hmun hrang hrang leh ram dang, U.K, USA, Canada, Switzerland, Austria, Germany etc. ah te concert hlawhtling tak tak a lo nei tawh thin a. Germany-a a pasal Military Attache a a thawh laiin International Society of Ladies-ah Asian hmeichhe President hmasa ber a ni.
 
 
 
 
 

Attachment

  • Loading attachment...