Mizoram in Lok Sabha MP seat khat kan neih Dt. 16 April, 2009 a kan thlan chu Champhai District ah tluang taka zawh fel a ni ta. MP thlan tluang taka zawh a ni ta leh buaina leh harsatna awm lova neih a nih avang hian Pu TV Fambawl, Champhai District Deputy Commissioner, District Election Officer ni bawk chuan lawmthu a sawi a ni.
Election buaipui tura ruat sawrkar hnathawk hrang hrang, venghimtu police te, zirtirtu leh office hrang hrang a mite, NGO leh Party lam miten an duty theuh an hlenna kawngah DC chuan lawmthu a sawi a. Inthlanna vuakvetah Election Officer leh DC Office staff te thleng pawhin an hah hlawm hle tih hriat a ni a, lirthei khalhtu leh puangzartu Media lam te pawh an rim hlawm hle a. Inthlanna atana thahnem ngai taka thawh tlanna vanga Champhai District ah tluang taka MP thlan neih a niin Champhai DC leh Election Officer te chuan lawmthu an sawi a ni.
Inthlanna bungrua leh EVM te pawh thleng kim vek tawh in tunah hian strong room ah uluk taka venhimna hnuaiah dah an ni a, vote chhiar ni tur May 16, 2009 atana inbuatsaihna a kal leh mek a ni.
Inthlanna bungrua leh EVM te pawh thleng kim vek tawh in tunah hian strong room ah uluk taka venhimna hnuaiah dah an ni a, vote chhiar ni tur May 16, 2009 atana inbuatsaihna a kal leh mek a ni.
