No.3875/2021-2022
Aizawl, 2nd February, 2022 : Indian Council of Medical Research (ICMR) chuan COVID-19 hri kai, mahni in lama inenkawl (Home Isolation) te tana hriattur inkaihhruaina pawimawh a hnuaia tarlan ang hian a ruahman.

Home Isolation-a dah theihte:

1. Symptom nei lo leh symptom nep etc: Khawsik/Luna/hrawk thip, thawk lama harsatna nei lo leh Oxygen level 93% aia sang neite chu Isolation hun chhungin hri kai ve lo te'n an tawmpui loh tur mamawh zawng zawng an nei hrang thei a nih a, a viltu(Caregiver) an neih theih dawn bawk chuan Home Isolation-a dah theih an ni.

2. Mahni ina isolation tih remchang lo te chu CCC/CCCC/4C/Paying CCC ah an dah theih an ni.

3. Home Isolation ti mek awmna chhungkaw member zingah hri kai chu lo hnaih an awm chuan, a hnaihtu chu symptom nei lo a nih a, comorbidity nei emaw, kum 60 aia upa a nih loh chuan test kher a ngai lo a, ama hriselna inchik chungin tha takin hmaituamna(Face mask) a vuah ang.

4. Heng Comorbidity, kum upa, thisen sang, zunthlum, chuap thalo, chuapna benvawn, TB, Cancer, kal thalo, kal thlak, thin thalo(Hepatitis B&C), HIV+ve, lungna nei te chu a rang thei ang berin bialtu LLTF/VLTF kaltlangin Doctor hnenah inhriattir vat tur a ni.


HENGTE HI MIIN A NEIH THAR CHUAN RAgT./TRUENAT/RT-PCR TEST TIH VAT TUR ANI:

1. Khawsik leh luna, hrawk thip, a chhan sawi tur awm si lova taksa sil them thum, thawhah/thawkna lama harsatna, rimhriatna kiam(Omicron ah a tam lo).


HOME ISOLATION A AWM TE ENKAWLNA(TREATMENT):

1. Chaw ei that bakah soup leh thei tui lam in fo a tha.

2. Oxygen hip luh/thawk dan tih that nan bawkkhupin thuk tak thlenga thawk luh(Boruak) hip thin tur.

3. A tul chuan darkar 6 danah Paracetamol leh khuh damdawi ei tur a ni.

4. Tuilum chi al hmanga hrawk thuah(gargle) te, tuihu hip(Steam inhalation) te tih thin tur.


DOCTOR IN A CHAWH/A RAWN ANIH LOH CHUAN:

1) Remdesivir leh Budesonide nebulizer te hman loh tur.

2) Oxygen cylinder hman loh tur.

3) CT-Scan tih loh tur.

4) Ni 4 ai rei symptom a awm chuan Doctor-in a chawh ang zel chauhin Budesonide Metered Dose Inhaler(MDI) Dry Powder Inhaler(DPI) hman tur a ni.

5) Antibiotic damdawi pawh Doctor rawn phawt a, a chawh ang zel chauhin ei tur a ni.


HOME ISOLATION A AWMTE TIH TUR:

1. Inah tawmim tlat tur.

2. Hri kai ve lo te laka inthiarfihlim a, chawlh hahdam tur.

3. Chhungkaw member tinin mask vuah that theuh tur.

4. Boruak kaltlang tha thei turin tukverhte hawn thawlen tur.

5. Taksa lum dan leh Oxygen level-te darkar 6 danah check thin tur.

6. Bialtu/viltu Doctor te hnenah mahni dinhmun hriattir fo tur.


DOCTOR RAWN/DAMDAWIINA DAH TUL HUN TUR:

1. Oxygen level hi 93% leh a aia hniam a nih in.

2. Thawkna lama harsatna/thawchham/luhai a awmin.

3. Ni 3 aia rei khawsik avanga temperature 100F leh a aia sang a nih in.


DOCTOR RAWN DAN:

Doctor hi LLTF/VLTF te kaltlangin emaw, Health Department helpline no. 102/0389-2323336/0389-2322336/0389-2318336 ah te rawn tur a ni.