No.3874/2021-2022

Aizawl the 2nd February, 2022 : Nimin chawhnu khan Lunglei Distict Level Monitoring Committee on Central Sector Scheme “Formation and Promotion of 10,000 new Farmer Producer Organisation (FPOs)” chu an Chairman Pu Kulothungan A, IAS, Deputy Commissioner, Lunglei kaihhruaiin DC Conference Hall-ah an thukhawm. He Scheme in a tum ber chu kuthnathawktuten awmze nei leh hlawk zawka an thawh rah an seng theihna tura mumal taka an thawhhova an inzawmkhawm theihna tura Farmer Producer Organisation (FPOs) kaltlanga hmalak a ni.

Meeting-ah hian NABARD leh Lead Bank hotute bakah Line Department hrang hrang - Agriculture, Horticulture, Fisheries, Co-operation, AH&Vety, KVK, ATMA te leh Clover Organic Ltd, Margdarshak Ltd and NEIDA aiawhte an tel a ni.

Meeting kaihruaitu Lunglei DC Pu Kulothungan A chuan kuthnathawktute tharchhuah ti pung tur leh awmze nei zawka hma an lak theihnan kuthnathawktute, bank-te leh Line Department hrang hrang te inkarah inpawhtlang taka thawhhona (coordination) tha a awm a tul a ni tiin District Level Monitoring Committee (D-MC) for Central Sector Scheme (CSS)"Formation and Promotion of 10,000 Farmer Producer Organizations (FPOs)" thiltumte ti hlawhtling tura theihtawp chhuah tlang turin member-te a sawm a ni.

Meeting-ah hian Lunglei District chhunga Farmer Producer Organisation (FPOs) hmalakna kal mekte leh hmachhawpte ngaihtuah ho a ni a. Tun dinhmunah Lunglei District chhungah FPO pahnih din tawh niin chungte chu Clover Organic Ltd hnuaiah Vanva Dragon Fruit Producer Company leh Margdarshak Development Projects and Consulting Pvt. Ltd hnuaiah Bunghmun Farmer Producer Company te an ni. North East Initiative Development Agency (NEIDA)-in Lunglei District-a FPO din dilna an thehluh chu Committee chuan ngaihtuahin an pawm sak bawk a ni.