5039/2025-2026

Dated Aizawl: the 30 March 2026 : Vawiin khan Indian Red Cross Society (Mizoram Branch) chu chairman thar, Pi K. lalrinzuali, Secretary, Health & Family Welfare hovin, SAD Conference Hall, MINECO-ah an thukhawm a. Kum kal taa IRCS (Mizoram Branch) hmalaknate an thlirho bakah, kumin atana hmalak lehna turte an rel a ni.

IRCS (Mizoram Branch) Meeting hian kumin World Red Cross Day (08 May) puala Mizorama District-te huam tura hmalak dan turte an ngaihtuahho va. A theih ang anga Branch huang zauhna tur leh mipui vantlang tana hlawk zawka kal zeldan turte an rel a ni.

 Indian Red Cross Society (Mizoram Branch) hi khawvel pum huap pawl pawimawh tak a ni a.  Mizoram branch-ah hian Governor chu president niin, Sawrkar-a mi pawimawh tak takte chu pawl  kut leh ke atana ruat thin an ni a. He pawl hian kawng chi hrang hranga mipui vantlang rawngbawl  hna a thawh bakah, khawvel pum huap pawl a nih angin, khawvel hmun hrang hranga chhiatna thlen  thulhah pawl tangkai tak, chhawmdawl hna thawk thintu a ni.