5040/2025-2026

Dated Aizawl, 30th March 2026: Vawin khan State Level Monitoring Cell on LPG/POL te chu Pi Teresy Vanlalhruaii Secretary, Food, Civil Supplies & Consumer Affairs Department hovin a office chamber-ah an thukhawm a, LPG chungchang a Mizoram dinhmun an sawi ho a ni.

Thutkhawmnaah hian tunlai Gulf region buaina avanga India ram leh khawvel hmun hrang hranga Gas leh a kaihhnawih buaina awm mekah Mizoram chhung dinhmun chu a that thu tarlan niin, mipuite an chi ai mai lohna tur leh buaina a awm loh nana sawrkar hmalakna hrang hrangte thlirho a ni a, buaina tipunlun thei thil Hoarding,diversion leh Black marketing te a awmlohna tura sawrkar hmalakna te pawh thlirho a ni bawk a ni.

Vawin meeting-ah hian department aiawh hotu pawimawh tak takte an tel a. Pawl hrang hrang aiawh: Mizo Consumer Union,Mizoram Indane Distributors Association leh RGGLV Distributors te atangin harsatna an tawhte ngaihthlak niin, hmalak zel dan turte sawi ho nghal a ni.