Indian Republic Day vawi-67 na chu Vawiin chawhma dar 10 : 30 khan District Playground Siaha-ah ropui leh urhsun taka lawm a ni.

He Ni lawmna ah hian Pu Zarzosanga IAS, Deputy Commissioner, Siaha District, Siaha chu khuallian ani. Zing dar 10 : 30 A.M. ah Hnampuanzar pawtpharh in Parade Contingents ten Hnampuanzar chibai an buk chu a chhanglet a, thu sawiin khuallian chuan India ramin zalenna a neih hnu   mahni ngeia danpui (Constitution) te siama mipui rorelna sawrkar a lo din cham Indian Republic Day ah India khua leh tui zawng zawng te India ram hmasawnna tur leh inpumkhatna tha zawk kan neih theihna turin mitinte inhlan thar leh turin a ngen a, India ramin Dan felfai tak neia chak taka hma a sawn laiin Siaha District a cheng te pawhin hmasawnna nasa tak kan nei chho mek a ni a ti bawk. Sawrkar hmalak tawhna leh Siaha District tana a hmachhawp mek hrang hrang te tarlangin Tipa-Zyhno-Laki-Lopu-Phura leh Kaochao-New Latyh-Phura kawngpuite pawh ngawrh taka sial mek a nih thu a sawi a, he kawngpui hi sial zawh a nih hun chuan District chhung mipui ten nasa takin kan chhawr thei dawn a ni a ti. District chhung mipuite Tui lamakanhnianghnar zawk theih nan Titlao Tui Pumpturintheihtawpa hmalak mek a nih thu leh he hna hi zawhfel a nih chuan mi pakhatin nitin Tui litre 40 aia tamkanhmuh theih tur thu a sawi bawk. Swachh Bharat Mission Campaign pawh PHE Department chuan School hrang hrang leh NGO te nen tangkawpin neih a nih thu a sawi a, Mizoram sawrkar-in Rs. 9,88,76,937/- seng-a Damdawiin a sak mek te sawiin he Damdawiin hi khum 100 awm theihna tur niin ni 16.9.2016 ah zawh hman tura beisei a nih thu a sawi a, Siahatla veng chhaka DIET Institution Building pawh Rs.1,13,56,132/- sengin sak mek a nih thu leh ni 15.12.2016 a zo hman tura ruahman a nih thu a sawi bawk. Siaha-a Polytechnic dinna turin Administrative Building sak nan Rs. 5,01,08,000/- leh Hostel Building sak nan Rs. 1,91,83,000/- te Staff Quarter sakna tur Rs. 94,78,536/- ruahman tawh a nih thu leh hna tan thuai theih  beisei a nih thu a sawi bawk. Nausen piang hlim boral thu ah nikum lam ai chuan nausenkanchan tlem zawk a ni tiin Siaha District akanDC Office pawhkanMLA pahnihte hmalakna avangin hun rei lo te ah sak that thuai a nih tur thu a sawi bawk. Sawrkar-in a ngaih pawimawh NLUP chungchang sawiin District chhungah 1st phase atanga 4th phase thlengin chhungkua 6,627 ten NLUP an dawng tawh a ni a ti bawk. Siaha District chhungah National Food Security Act, 2013 pawh mi 37,853 in kan hmang thei dawn ani tiin he hna hi 99 % thawh zawh tawh a ni a ti . Mizoram District zinga te ber leh kilkhawr ber kan nih laiin MPSC in Combined Exam a buatsaih thinah District hlawhtling ber anga ngaihtheih kan nih thu sawiin  hmalam huna he dinhmun hi luah zui zel thei turin zirlaite theihtawp chhuah turin  a ngen bawk.

He Ni lawmna ah hian Parade Contingents 16 awmin Uniform Contingents ah pakhatna MRHG niin pahnihna NCC, Donbosco School leh pathumna Bharat Scout & Guide Donbosco School te an ni. School Contingents ah pakhatna ECM Higher Secondary School, pahnihna Donbosco Higher Secondary School leh pathumna Lorrain English School te an ni. He Ni lawmna pual hian Siaha khawpui chhunga Department hrang hrang LAD/MADC, SSA/MADC, P.H.E., DRDA, DVO,SP, Fire & Emergency Services, Environment & Forest, D.C.Siaha Office BBBP, N.L.U.P. Cell D.C. Office, leh Agriculture Department ten an Department hnathawh leh hmalakna hrang hrang pholang thei turin  Tableau Show an nei a, he Tableau Show ah hian pakhatna D.V.O., pahnihna LAD/MADC leh pathumna  NLUP Cell, DC Office te an ni. Republic Day 2016 pual hian Volleyball Tournament (Men & Women) buatsaih niin Champion Team leh Runner’s Up Team te bakah Best Setter leh Best Spiker te hnenah lawmman hlan an ni bawk. He Ni pual vek hian School Fai thlanna neih a ni a. Primary School ah Govt Meisavaih P/S thlan niin Middle School ah Gov’t Middle School, New Siaha thlan a ni a, High School ah Adventist English Academy chu thlan niin Higher Secondary School ah Don Bosco  Higher Secondary School chu thlan a ni.  Lawmman chi hrang hrang te hi Khuallian Pu Zarzosanga IAS, leh  Pu RT Zachono, CEM/MADC ten an sem a, he Ni lawmna pual hian sawmbikte tan Thingpui in hona vawiin chawhnu dar 1 : 00 khan DC’s Bungalow ah neih a ni.  Chawhnu dar 2 : 00 ah Republic Day Football Tournament final Match chu Mizoram Police, Siaha Football Club leh New Colony United Football Club ten District Playground ah an khel zui bawk.