4105/2025-2026

Siaha, 22nd January 2026 : India Republic Day vawi 77-na hman dan tur relin vawiin chawhnu dar 1:00 PM khan DC Mini Conference Hall, Siahaah ṭhutkhawm a ni.

Vawiin ṭhutkhawm hi District Bawrhsap Pu VL Hruaizela Khiangte-in a kaihruai a. Department hrang hrang te'n chanvo an neiha hma an lâk dan leh harsatna an neihte tarlangin sawihona neih nghal a ni a. Department zawng zawngin an kova mawhphurhna tla ṭha taka an hlen an tum thu an sawi a. Bawrhsap chuan department - te inpekna fakawm a tih thu sawiin, a tawp thlenga ṭangho zel tûrin a sàwm nghal bawk.

India Republic day vawi 77-naah hian Siaha Bawrhsap Pu VL. Hruaizela Khiangte chu khuallian a ni dâwn a, parade contingents 19-in hnam puangzar chibai an buk ang. SDFA playground, Meisatlaa Republic day hman turah hian mipui a tam thei ang bêr tel tûrin sàwmna siam ni se, kohhran pawl tinah ram tana ṭawngṭaina nei tura ngenna siam nise tih a ni bawk.

India Republic day 2026 pual hian Siaha District chhunga Hospital leh home hrang hrangah ṭanpuina sem chhuah tum a ni a, MCHP, MHIP leh LWA te'n hma an la ang. Thilpek semna tur hmunte chu:-

1. Nopi Opi (Old age Home, District Hospital Siaha, MGC Hospital, Orphanages boys home. (MCHP-in an pe ang.)
2. Grace Children Home, Child Adoption Centre leh Kalvary Healing home. (MHIP-in an pe ang.)
3. District Jail, Observation Home leh Agape Home. (LWA-in an pe ang.)
4. Charity Home, Saikao leh Mary Heichia School, Zyhnoa. (SDO Civil, Tipa-in an pe ang.)

Vawiin thutkhawmah hian Department hotute, MJA  leh NGO - hruaitute leh  an tel tha hle a, Pu VL Hruaizela Khiangte chuan lawmthu sawiin hun a khar.