4106/2025-2026

Saitual, the 22nd January, 2026: Vawiin chawhma dar 11 khan DC Conference hall, Saitualah Mizoram State legal Service Authority (MSLSA) leh Administrative Training Institute (ATI) tangkawp chuan Sawrkar hnathawkte tan dan leh hrai inzirtirna hun “Special Awareness Campaign for Government Officials on legal provisions and matters” an buatsaih a, he hun hi Pu B. Tlangdingliana, Assistant Director (Trg), ATI in a kai hruai.

He hunah hian Saitual bawrhsap Dr. Lalngura Tlau chuan kalkhawmte hnenah lawmthu sawiin, hmanlai chuan tha rum hmangin ro rel thin a ni a, tunlaiah chuan dan hnuaiah rorel anih avangin dan hriat loh chu chhuanlam a tling lo a ni, a ti a, chuvangin sawrkar hnathawhna kawng hrang hrangah mitinte fimkhur tur leh ngaihtuahna seng zau turin a fuih a, dan leh hrai hre tura training chu hlawk taka hmang turin a chah a ni.

Vawiina awareness campaign hi session nga (V)-ah then niin Session I-naah Alternative Dispute Redressal/legal Services leh Child Laws –POCSO & Juvenile Justice Acts chungchang inhrilhhriatna Pi Lalhriatpuii, Sr Civil Judge & Secretary, Aizawl, DLSA in a nei a, Session II naah hian General Principles/Legal Maxims/Doctrines in Law chungchang Pu Vincent Lalrokima, Member Secretary, Mizoram SLSA chuan neiin Social Media Ethics chungchangah Pi Lalfamkimi, Advocate chuan zirtirna a pe bawk. Pi Lalhriatpuii, Sr Civil Judge & Secetary, Aizawl, DLSA chuan Session V-naah hian Petition, appeals, contempt cases leh para wise comments chungchang inzirtirna a pe bawk a ni.

He awareness campaign hi Mizoram District tinah neih tur niin, Saitual District hi a nei parukna a ni a, sawrkar department hrang hranga thawktute kalkhawmin, Pu J. Lalawmpuia, SDC chuan lawmthu sawinain hun a khar a ni.