Chanchinbu leh Media hrang hrang atanga kan hriat angin tunhnai ni 26th February, 2011 leh ni 25th March, 2011 inkar chhung khan Thanzamasora khuaah vanduaithlak takin Indian Tick Typhus natna avangin Mi 5(panga) lai an thi a.
He thihna thleng chungchang hi hriat anih veleh Health & Family Welfare Department chuan a zirchiang tur Medical Team a tir nghal a. He thihnna thleng chungchang avang tho hian a zir chiang turin Dr. L.A. Singh, Regional Director, Health & F.W., Govt. of India, Imphal a lo kal bawk a. Dr. LA Singh hian, hetih hun laia damlo mek mi panga te atangin an Blood sample te la in, National Centre for Disease Control (NCDC) Delhi-ah hmanraw changkang zawk a zir chian turin a thawn a. NCDC-in a zir chian hnuah, Damlo panga te zinga 4 (pali) te thisenah hian Indian Tick Typhus hrik hmuh a ni a.
Indian Tick Typhus natna lo awm tirtu hi Bacteria chikhat Rickettsia Conori Indica a ni a.Heng Bacteria te hi uihrik leh sazu hrik ten an pai thin a. Heng hrik in a seh te hian Indian Tick Typhus hi an kai ber thin a ni.
Thanzamasora khuaa thihna hi a chhan hriat chian anih ve leh damlo leh he khuaa ui vulh te enkawlna tur damdawi kengin Medical Team te tirh nghal an ni a.
He natna hi natna vang tak niin, a khua khua a inkai darh chi a ni lo a. Tun dinhmunah chuan he natna darh zel tur hi thunun a niin, zirchian zel a ni bawk.
