No.7714/2020-2021

Vawiin khan IGNVOU Regional Centre Aizawl building foundation Stone Laying Ceremony Selesih, IGNOU ramah neih a ni a. He hunah hian Dr.Ramesh Pokhriyal ‘Nishank’ Hon’ble Minister of Education, Govt. of India Chuan virtual mode in hawnna a nei a.

Minister Dr.Ramesh Pokhriyal chuan IGNOU Regional Centre, Aizawl hi India rama Regional Centre 56 zinga pakhat anih thu sawi in kum 2020 khan student/zirlai mi 3894 in IGNOU Regional Centre Aizawl ah an in ziak lut ani a ti.
Minister chuan IGNOU hi khawvel a Distance Education Institution lian ber anih thu sawi in IGNOU Regional Centre Aizawl pawh mitin te kawtchhuah a zirna kailawn chhawpchhuah kawngah tlawmngai pawl YMA te leh Village Council ten  hma nasa tak leh tha tak an thawk a ni a ti a. IGNOU hi NAAC(UGC) tehna a University thatna teh fung ah A++ pek anih thu sawiin he zirna in lian tak ah hian mitam tak in hlawhtlinna an hmuh tawh thu a sawi. IGNOU hi Mizoram bikah pawh a ram mi te eizawnna mil a hman tangkai a ni tih a sawi.

 
IGNOU Vice Chancellor Prof.Nageshwar Rao chuan IGNOU chungchang sawiin khawvel thangzel mamawh ang zel in IGNOU hian zirna Programme a siam thu sawi in IGNOU hi India rama University thatna teh funga a sangber hmu pha 13 vel zinga a tel phak thu a sawi a. IGNOU Regional Centre hi North East India State zinga mahni hmunhma buiding nei thei tur pahnihna  anih thu a sawia. IGNOU zirlai te harsatna sutkian sak na tur in a bik in portal hran ‘igram’ siam anih thu leh zirlai te hmang tangkai tur in a duh thu a sawi.

He programme hi Dr.S.R.Zonunthara, Regional Director in welcome address pe in Mizoram a IGNOU din anih dan  leh tuna a din hmun  sawi in  District zawng zawng huap chhuah anih thu a sawi bawk a ni.

He programme hi a hmunah mi pawimawh thahnem tak, Higher and Technical Education Director Govt. of Mizoram Mrs. Nazuk Kumar IAS, CPWD Chief Engineer North East, IGNOU Pro Vice Chancellor, Director Regional  Services Division IGNOU, Finance Officer IGNOU,Registrar Administration IGNOU,Chief Project Officer IGNOU te IGNOU Co-Ordinator te leh YMA, MHIP, Village Council member te leh midang tha hnem tak in an telpui a ni.

He programme hi Pu HC Lalchhuanawma CO-Ordinator IGNOU SC-1923 Pachhunga University College in lawmthu sawiin a khar a ni.