North Eastern Council chuan tunhnai khan Electric Veng Branch YMA hmuna Indoor Stadium sakna tur Project cheng nuai 493.63 NEC chu a pawmpui a, he Project Ist installment cheng 160 chu NEC in a rawn release tawh bawk. Nimin khan Electric Veng Branch YMA chuan YMA Hall-ah hemi puala lawmna hun an buatsaih chu Parliamentary Secretary to Chief Minister leh bialtu MLA ni bawk Pu Lal Thanzara’n a hmanpui a ni.
He Indoor Stadium sakna tur DPR chu Sports & Youth Services Department leh Planning Department kaltlangin NEC a 2011 khan thehluh a ni a. December ni 5, 2012 khan approval leh sanction hi Mizorama Planning Department chuan a dawng ta a ni.
Electric Veng Branch YMA chuan he project a puitlin theihna atana theitawp chhuaha hmalak puitu Chief Minister leh bialtu MLA hnenah lawmthu an sawi a ni.
