Tunhnaia Mizoram sawrkar-in Board hrang hrang a din thar zing ami Industrial Development Board chu vawiin khan an Chairman Dr. R. Lalthangliana, Commerce & Industries Minister hovin Secretariat Conference Hall, New Capital Complex ah an thukhawm.

Vawiina Industrial Development Board thukhawm hian Mizoram Sawrkar Flagship Programme SEDP hnuaia Non-Farm Sector tihhmasawnna tur kawng hrang hrang an ngaihtuah a, Baseline Survey nei tura inpuahchah chungchang te, Industrial Development Board hnuaia Working Group din chungchangte, Non-Farm sector hnuaia thlurbing tur trade hrang hrang chungchang te an sawi bakah thlai thar sawngbawl dan tur ruahman chungchang te an sawiho a ni.

Board Chairman Dr. R. Lalthangliana chuan Baseline Survey tih that leh thatloh chungchangah SEDP hlawhtlinna thui takin a innghat dawn ani a ti a, Industry hmasawnna thlen tak tak thei turin tan an lak a pawimawh a ti a, SEDP hnuaiah hian Industrial Sector atangin unemployment problem sutkian dan tur ngaihtuah a ngai a, Board member mithiam leh tawnhriat nei tha tak tak an neih avangin thlamuanthlak a tih thu a sawi.

Vawiin Industrial Development Board thutkhawmah hian Board member te bakah abik taka sawm an nih angin Agriculture Department, Horticulture Department, Bamboo Development Agency leh MIFCO aiawhte an tel a ni.