Vawiin khan Pu K.Lalrinliana, Food and Civil Supply, LAD leh Fisheries Department changtu Minister chuan Champhai District a Department hmunhmate tlawhin a enfiah.

Pu K.Lalrinliana hian Kawlkulh khua FCS&CA  Godown tlawhin buhfai chhekkhawl endikin thawktuten buhfai hnianghnar leh tha an dawn thu an lo hrilh a ni. Hemi hnu hian Tuichang luia Khawzawl Group YMA leh   Fisheries Department te tangkawp buatsaih Fish Landing Center siam mek a tlawha, Group YMA hotuten ten lo dawngsawngin an hmalakna leh hmachhawpte an lo thlen a, Fisheries Minister chuan a tul ang te lo enzui a tum thu a hrilh a ni.

Minister hian Champhai khawpui leh a chhehvela a enkawl Department hmunhma hrang hrang VC Rest House, New Champhai; Fish Feed Mill, Zote Road; Fish Seed Hatchery, Tlangsam Road; FCI Godown atana ram en mek  New Champhai leh Fisheries Godown Vengtharte a tlawh leh a, hmalak ngaihna te Department official te nen an enhoin hmunhma te tha taka venhima enkawl turin Department hotute a chah a ni. 

Minister hian naktukah Fish Farmers' Training, CHANEM Building a neih tur a hmanpui dawn a, a enkawl Department hnunhma dangte tlawh lehin Fish Farmers' Society ram te a tlawh dawn bawk a ni.

Pu K.Lalrinliana hi Dr Naveen Aggarwal DC Champhai;  Pu  RS Lalzamliana, Director, LAD; Pu C.Laldawngliana, Director, Fisheries; Pu Vanlalchhuanga, Additional Director of Supply leh District Official ten an tawiawm a ni.

Attachment

  • Loading attachment...