No.6283/2020-2021

Vawiin khan Commerce & Industries Department Minister Dr. R. Lalthangliana hovin Mizoram a industry leh entrepreneurship-in hma a sawn zel theihna atana inrawnkhawmna Secretariat Conference Hall-ah neih a ni a. He meeting ah hian Industrial Development Board Vice Chairman Pu C. Ramhluna, Commerce & Industries Department Secretary Pu Jawahar, Department officer-te, Mizoram Industry kaihnawih pawl hrang hrang – Mizoram Industries Owner’s Association, Mizoram Chamber of Commerce & Industries, Mizoram Industries Association, Mizoram Wood-based Industry Association, Mizoram Steel Fabrication Association, Mizoram State Bamboo Association, Food Processing Society of Mizoram leh mimal entreprenuers eng emaw zat nen Industry lama hma lak dan tur sawiho a ni.

Central sawrkarin kalphung thar leh policy a duan zulzuia hma lak theih na tur kawng hrang hrang inhrilh hriat a ni a. Mizoram chhunga MSME-te mumal zawka an awm theih dan tur te sawi a nih bakah Mizoram Industry pawl hrang hrangte hian harsatna an neih te ngaihthak niin heng harsatna sutkian a nih theihnan rawtna hrang hrangte siam a ni a. Heng hi Minister-in ngun takin a ngaihthlak sak a, hma lak leh zelna turah pawh Industry neite nen pheikhai rual taka kal nise tiin he meeting hian a rel a, Minister hian Mizoram-ah MSME ten hma an sawn chhoh zelna atan theihtawp chhuah a tum thu a sawi.