Mizoram in Industrial Development a hma kan sawn nan leh Aizawl a industry te felfai zawka din leh thliar fel a nih theih nan Chief Minister Pu Lal Thanhawla, Industries Minister Pu H.Rohluna leh Parliamentary Secretary for Industries Pu Joseph Lalhimpuia te hmalakna avangin Sorkar laipui chuan Industrial Estate Zuangtui tih changtlunna turin project Rs. 1802.56 lakhs chu a approve tawh a, pawisa pawh a lo thlen thuai beisei a ni.

He Project-ah hian kawng pawh nasa taka zauh tur a ni a. Common Facility Centre, Power supply, Water supply te leh thildang tam tak te a hma lak a nih dawn avangin nasa taka tih changtlun a ni dawn a ni.

Hetiang a nih dawn avang hian tuna Industrial Estate Zuangtui chhunga danlo anga awmte, allotment fee leh annual fee pe lote leh he hna thawh tur in a dal theih ramte chu lo in ralring turin Industries Department chuan a ngen a ni.