Nithum awh Industrial Motivation Campaign Cum Training on Food Processing and Handloom & Handicraft Industries chu nimin (1st May, 2012) khan DLAO Conference Hall Mamit-ah Pu Rodney L. Ralte, IAS District Bawrhsap in a hawng.
Hawnna inkhawm Pi K. Zothanpuii, SDIO Mamit kaihhruaiah thusawiin khuallian District Bawrhsap chuan hetiang ang training pawimawh Mamit a buasaih a lo ni ta hi District hmasawnna atan thil tangkai leh lawmawm tak a ni tiin a buatsaihtu Industries Department chungah lawmthu a sawi a. He training in a tum chhungkaw harsa zawk ten a eizawnna nghelnghet an lo neih theih nan a buatsaih hi buatsaih a nih chhan ang taka hmang tangkai turin training beitute a ngen a ni.
He training Programme hawnna hunah hian Pu Zothankhuma, IAS Director, Industries pawhin Industry Department hnuaiah hian eizawnna nghelnghet neilote tana hamthatna chi hrang hrang a awm theih thu a tarlang a, Mizoten kan thlai thar chhuah ve angte a dah that dan kan hriat loh avanga riral thin hi a uihawm em em a, hun rei zawk daih tura vawn that a tul thu te a sawi lang a, tuna training beitu zawng zawngte pawhin rilru nei taka kan zirte thiam ngei turin a chah nghal bawk a ni.
He training hawnna inkhawm ah hian Industries Department a mi thiamten chaw sawngbawl dan te, thiamhnang hman tangkai dan te leh Puantaha eizawn dan te training an pe dawn a ni.
He Motivation Campaign Cum Training Programme hawnna ah hian hetiang lama tui mi leh eizawngte bakah sikul naupangte mi thahnem tak an tel a ni.
