Vawiin khan Kolasib Diakkawn Hall-ah Industries Deptt. buatsaihin Industrial Motivation Campaign cum Training on Food Processing, Handloom & Handicrafts Programme Zirtawpni thleng awh tur chu Kolasib DC Pi Niharika Rai, IAS in a hawng.

Hawnna thu sawiin Pi Niharika Rai chuan, Sawrkar laipui atangin Scheme tha tak tak Mizoramin a dawng thin a. Tun huna hetiang scheme in hrilh hriatna tur leh kan thalai leh mi tamtak tena Industries Deptt. kaltlanga heng hamthatna te an chhawr theih dan tur zirtirna hun Kolasib-a kan nei hi a vanneih thlak hle a ni, a ti a. Puan tah mi tan leh khawl hmang a bul tan duhte tan sawrkar in Loan a siam a, National Mission for Food Processing Scheme te pawh tih a ni a. Heng scheme tehi chhawr tangkai tur chuan taima taka a tul ang te kan zir a ngai a ni, tiin training chu hlawkpui theuh turin duhsakna a hlan a ni.

Pu CT Rosiama, SDIO, Kolasib-in training hawnna hi a kaihruai a. Pu Zothankhuma, IAS, Director, Industries chuan thu sawiin Industries Deptt. chu UT dintirh atanga Deptt. awm tawh ni mahse mipui ten a nih dan tur angin kanla chhawr tangkai tawklo a ni, a ti a. Thalai lehkhathiam hna nei silo ten eizawnna an din theih nan PMEGP loan, subsidy/margin money keng tel a awm a. Hei hi bul tan nana tha em em a ni, a ti. Mizoramah hian loan latuin subsidy a lak tel thin loh avangin a kalphung a dik thei thin lo a ni, a ti bawk. Deptt. kaltlanga loan lak theih dan tur leh thiam thil chi hrang hrang an zir turte chu tangkaipui theuh tura a duh thu pawh a sawi a ni.

Training hawnna inkhawm hi Pi Lalrodingi, Jt. Director, Industries chuan lawmthu sawiin a tin a ni.

Chawhnu atangin Technical session neih a ni a. Mithiam ten training pein tlai lam atangin District Industries Centre ah chhunzawm a ni a. Training hian Zirtawpni thleng a awh dawn a ni.