Industries Department tih hmasawn zel na tur leh Central sawrkar atanga sum tam zawk hai chhuah zel dan tur ngaihtuahin vawiin zing dar 10 khan Pu H. Rohluna, Industries Minister Office Chamber-ah Pu H. Rohluna Industries Minister hovin Project lian tak tak khawih thin tu Consultancy firm lian Dara Shaw Consultancy, New Delhi leh Industries Officer te an thu khawm.

Mizoram sorkar in Industry lama hmasawn zel turin nasa takin hma a la chho mek zel a ni tiin Pu H. Rohluna chuan tunah hian ruahmanna tam tak kal pui mek a ni a, Industries Department leh mipui ten an chhawr tangkai theih tur ruahman na tam tak siam a ni a, tunah hian heng ruahmanna siam hi Sorkar laipui ah chak tak a bawhzui mek zel a nih thu a sawi.

Meeting-ah hian Central sawrkar a Ministry hrang hrang hnuaia Project kalpui dan tur leh Central Sawrkar Budget atanga sum a tam thei ang ber hmuh theih dan tur ngaihtuah a sawi ho a ni a. Dara Shaw Consultancy firm hman tangkai theih dan tur Scheme hrang hrang textile, MSME (Medium, Small & Micro Enterprise) leh Local processing hnuaiah a tam thei ang ber kalpui dan tur sawi ho niin ruahmanna te siam a ni. Dara Shaw Consultancy firm hian an hnathawh dan leh an kal phungte Power Point Presentation hmangin an entir bawk a ni.

Vawiin meeting-ah hian Pu Joseph Lalhimpuia, Parliamentary Secretary, Industries Department, Pu Zothankhuma Commissioner & Secretary Industries Department, Pu C. Vanlalramsanga, Secretary, Planning Department leh Industries Officer te an tel a ni.